|
رد: أقتراح ...... وش رأيكم ياشباب حنى من يطلب المهور ؟؟
المهور تختلف من قبيله الى قبيله فيه اللي تحصلها قليله جداً وفيه اللي شابه 
عرس اخوي تكاليفه 70 الف واختي اعرست على ولد خالتي
يوم حسب تكاليف العرس ماجات حول الـ 100 الف تقريباً
والمهر من ضمن هالتكاليف طبعاً ولله الحمد
مهورنا معتدله لا هي عاليه و لا منخفضه
وسبق وذكرتها بأحد مواضيع النقاش لو زاد المهر
ينقدون على ابو البنيه انه داخل على طمع < عقول متخلفه  
مهورنا ما تزيد ابد عن الـ 50 بما فيها الذهب
وعندنا شي يسمونه قهوة فراش 
اما 5 او 10 الاف بس غالباً 5 الاف 3000 للام والباقي بجيب الاب 
وفي غالب الوقت الام تستولي على الخمسه كلها 
عندنا مايكسر ظهر المعرس الا الفشخره
اهله يبون يتفشخرون على حسابه 
هدايا وزفات مالها اي معنى بس كلن يتنافس انا عرسي احلى 
وفيه حركات اجمل وهدايا اكثر  < وكلها من ظهر العريس 
بما اني من معارضين للزواج فـ حطيت شروط تعجيزية للزواج
زمان كان الكل بيشوفني قدعه وافضل وحده اما اللحين يشوفونها تخلف وشروط تعجيزيه
والسبب اني ابي عرس بسيط مافيه لا هدايا
ولا توزيعات ولا زفات طالعه نازله ولا حركات ولا طقاقات
ابي مثل عروس زمان ويازينها لو لبست عباية بدل الفوصطان 
< كيييييييييييفي
س1/ هل انتي من تحددين المهر ام الاهل ؟
الاهل
س2/ لو تقدم لك رجل ميسور الحال كم بتطلبين منه مهر ؟
لو انا بطلب اممم ما بتعدى الـ 20 الف ابد
واعتقد ان 15 كافيه
س3 / ماهي نظرتك للبنت اللي مهرها قليل ؟
ايسركن مهرا اكثركن بركة 
مهورنا مابين الـ 5 أو 10 الى 40 او 50
يعني عادي مافيها شي لو كان مهر البنت قليل
ماشاء الله اغلبهن عندها عيال وعايشه وسعيده
رغم ان مهرها قليل
مايهم المهر الكثير والقليل بل الاهم الحياه اللي بيعيشونها مستقبلاً
واذا كانت خالية من الديون ولا لا 
|