ملتقى طلاب وطالبات جامعة الملك فيصل,جامعة الدمام - عرض مشاركة واحدة - أقتراح ...... وش رأيكم ياشباب حنى من يطلب المهور ؟؟

*Diamond* · 2013- 3- 15

اقتباس:

المشاركة الأصلية كتبت بواسطة NOW OR NEVER

بالنسبة للشباب اللي يقول المهور غاليه وما اقدر على الزواج من وين اجيب لي مهر 50 الف

طيب تعال يا استاذي انت ممكن تدفع في سيارة 300 الف وتكون مبسوط وشاق الكشره والابتسامة من الاذن الى الاذن ..... .>

وتجي عند بنت الناس وشريكة حياته وام ابناءك ومربية ورعانك وتقول ليه مهر 60 الف

بتقول لي السيارة في اقساط وتأجير تمليك ,,

بقول لك فيه بنوك تعطيك قروض على 5 سنين خذ لك قرض وتزوج .

المعروف ان الزواج تجيك فيه عانيات من الاهل والاقارب والاصدقاء يعني الحمل راح يكون اخف عليك شوي

بالنسبة لتجهيز الشقة او البيت اذا منت مقتدر مو لازم تجهزها في شهر يا اخي جهز اثاثك على مدى سنتين وش المانع ؟؟

الاخوات لا تنبسطون جايكم الدور

نرجع لشباب
عزيزي لا تجيني فجأه وتقول نزلت عليك السكنية وتبي تكمل نص دينك خلال شهرين موضوع الزواج لابد ان يكون له ترتيب استباقي على مدة طويلة

وعلى قد رجولك مد لحافك

واحسب خطواتك لا تتحجج بغلاء المهور وانت فالها كل 4 شهور سفره تكلفك 30 الف او اكثر

اوك

الاخوات

مهرك ومن حقك وهذا شرع الله لكن لا تبالغين فيه , والأهم لا تطيرينه في اسبوعين وسردي مردي على السوق ومن مول الى مول

وانواع الملابس اللي تحتاجينها واللي ما تحتاجينها بس عشان تورين الناس وش شريتي

خلي عقلك في راسك واشتري اللي يلزمك اجتك وفوقها شي بسيط

تراك منتي رايحه رحلة الى عالم مجهول

الاسواق موجوده وما راح تقفل بعد زواجك , واذا تزوجتي ما راح يمنعونك انك تتسوقين يعني خذي موضوع الشوبيق على سعه

وحطي في بالك نص الملابس اللي بتشترينها بعد 6 شهور ما راح تكون مقاسك لانك راح تنتفخين بعد الزواج وهذا هو الوضع الطبيعي

,,

بجي على موضوع التكلف في حفلة الزفاف من صالة و500 مدعوه وممنوع اصطحاب الاظفال

والنهاية الحفل كله راح يكلف ما يقارب 100 الف ...؟؟؟؟؟؟؟؟؟؟؟؟

ليه هالخساير مع ملاحظة ان كل المعازيم ثاني يوم الصبح جوعانين ,,وبيجتمعون كل في بيته على بيض عيون ويقطعون في الزواج والبوفيه والكوشه والعروس انها كانت شينه وشلون ربي رزقها وتزوجت

,,,

الكوشه 10 الى 12 الف على ايش فلين واوراق شجر صناعي وورد عشان تندفسين فيها ويصورونك لمدة ساعة بالكثير ؟؟؟

المسكه ب 2000 ليه جعل يمسكك جني مع علباك

والحلا والموالح والصبابات والطقاقات ابي اعرف ليه طقاقات ب 12 الف بيعزفون لي السلام الملكي يعني

اعلى وحده فيهم عندنا سادس ج ,, هذا غير النقوط اللي بيزرطونه
واثم كل من حضر العرس عليكم

وكل ما سبق على ظهر الفقر المسكين

,,,,,,

الزواج العائلي انجح طريقة من رايي الشخصي
سووو زواج مصغر بالبيت يحضره الاقارب فقط

وثاني يوم طيروا لشهر عسل راح تبقى ذكرياته جميلة الى آخر العمر وتكلفته ما راح توصل الى ربع تكلف حفل الزفاف المذكورة اعلاه

ركزوا شوي واحسبوها صح وراح تشوفون ان فيه تكاليف ما لها داعي وضايعه بالهوا خلال 6 ساعات وراح تبقى آثارها السلبية المادية لسنوات على الزوج الغير مقتدر

....

اعرف واحد تزوج وجلس يسدد في ديون زواجه 7 سنوات الين دخل ولده اول ابتدائي

والسبب التكاليف لا داعي لها من هدايا لام العروس واخوانها وخالاتها وابوها وعمانها والظاهر حتى الشغاله

صدقوني اي شيئ يتحمل الزوج اكثر من طاقته راح تبقى عواقبه على حياة الزوجين لمدة طويلة

صراحة فيه عادات وتقاليد لا بد من إعادة النظر فيها .

بالنسبة للشخص المقتدر ولد النعمة اللي يزيده ولكن يراعي الله سبحانه ولا يسرف
فيمحق الله بركة زواجه .

اعتقد اني اطلت لاني من زمان وانا اكتب

اعذروني على الإطالة ولكن الموضوع يستحق اكثر من ذلك

واعذزوني على الاخطاء المطبعية

ولي عودة

شكرا لك على الموضوع
واتمنى ان يساهم هذا الموضوع فعليا في تغيير اعتقادات الزواج والحد من التكاليف غير المبرره ,

دمتم بحفظ الله

انا معك اخوي بكل كلمه قلتها بالنسبه للشاب

وبعد للبنت انها ماتخلص المول

صحيح بالنقطه ذي ترى فية بنات ياخذون اكثر من 4عطور <<<ليه يامي بتجربين ككل يوم واحد

وتاخذلي عشر طعش بلوزه ومليون جينز نفس الشكل بس درجه اللون تختلف

ومدري كم فستان والمككيااااااااااااااااج ياساااااااااااااتر من المكياج

طيب اخذي مكياج ترا وربي بعضه بينتهي صلاحيته وانتي ماطليتي بوجهه
ترا السالفه كلها كم جينز وكم بلوزه وفستان من بكرا وانتهينا

كل اللي اقوله بمصحتها تدرووون ليييييييه

^^
^^

^^
^^

^^
^^

^^
^^

^^
^^

عشاااااااان تكرف النشمي بعد العرس بالمقااااضي

(وباقي المهر بالبنك خل فلسك الحمر لليوم الغبر)

<<<<<حسبالكم بتكلم عن البنات ع الفااضي عقل يابوي عقل

ان كيدهن عظييييم