|
رد: الــشعــور الــيً تجــآهـكـَ حيــرً حــروف القــوافي.."مسـآحتكمً الشعرية"
شفتك بعد غيبه وحاولت احاكيك . . ماهوب من قلبي ولا من جرآته
بغيت اقول فلان وازريت اناديك ..وكني سمعت اسمي مع الألتفاته
فزيت من نومي وانا اقول لبيك !!.. واثرك رؤيا في منامي وجاته
صفقت كف وقلت ياحلم يشويك .. جددت لي جرحن هنا في مباته
ياللي شريت البعد ماغاب طاريك .. حتى لو ان العبد سوا سواته
ماهوب محزني على حاجتن فيك .. الا ان قلبي شايفن بك غناته
كن الطيوف تقول وش حال غاليك .. اقول راح ومابقى الا غلاته
لو ان ماجاني من الهم ياتيك .. كان المصلي ماحفظ وش صلاته !
مريت شارعكم وصادفني اخيك .. واللي قطع كبدي حلاتك حلاته
|