ملتقى طلاب وطالبات جامعة الملك فيصل,جامعة الدمام - عرض مشاركة واحدة

مريوم 2 · 2013- 3- 17

اقتباس:

المشاركة الأصلية كتبت بواسطة غربة نفس

هناك من يتعمد الكذب بطبعه وهناك من يخاف الحسد والعين
فالبشر ألوان وأشكال ودواخلهم تحكمهم ..
ذات يوم أتصلت على صديقتي بالملتقى كان السؤال عن جزئية بالمنهج
فكان الرد غربة وصلتي هنااا !!!
أيه وصلت هنا وبعد متأخره <<هي تجاوب بطريقة أني أنا ماذاكرت يعني
وأنا أعرف وأبصم بالعشره أنها دافورره وتخلص قبل الاختبار بشهر لكن العجيب الرد !!
قالت أنا لسا ماذاكرت قلت طيب ربي يوفقك (وأنا هالحركات عارفتها بس مااحب الجدال)<مريحه راسي ..

المدخل الاخر
حامل البنت الفلانيه بالشهر 6 وماقالت لاحد انها حامل تخاف العين
يوم ولدت عرفو انها كانت حاااااامل !!

لمذا اصبح البعض يخفي اموره ؟
ولماذا اصبحت العين هاجس تدخل بكل صغيره وكبيره تسيطر على اذهان الكثيرين؟
وهل هناك فروقات بين الاسرار والاحداث الروتينيه ؟؟؟(بمعنى ان الخبر سيصل حاضرا ام أجلا )

منكم وأليكم

موضوع البنت الي حامل الي كتبتيها في قصة تشابه قصتش
مرة كنا رايحيين للمدرسة طبعا عشان نختبر قدرات مرة ثانية لانه مانقبلنا في الاختبار الاول بعد ماتخرجنا فلازم نروح المدرسة عشان ناخذ البطاقة الوردية حق القدرات المهم كان كل صديقاتي متجمعات وكان من بينهم صديقتي متزوجة توها المهم كنا واقفين وشوي واحدة من صديقاتي قالت لصديقتي انتي فيك شيئ متغير قالت لامافيني شي قالت صديقتي الا انتي يبين عليك انك حااامل وجهك متغير قالت ايوه انا حامل كلنا

مصدومين يعني ليش ماتقولين لنا ماحنا غريبين عليك فسكتت البنت لانه هي طبعها كتومة ومدري يمكن تخاف من العين فما الومها

ااما القصة الثانية والي لاحد الحين مصدومة منها
المهم تعرفت على بنات عشان اقابلهم بالجامعة وفي بنت كثير امشي معاها المهم بعد ماخلصنا من اختباراتنا يوم طلعت النتيجة
بالبداية ماطلعت كل المواد كان كلما تطلع مادة اروح ارسلها على الواتس واقولها ترى نزلت مادة كذا
وعاد كلما اقولها مثلا انا اخذت bهي تاخذ c وهكذا الين في مادة مانزلت عاد سألتها قبل ماتنزل نتيجة المادة قتلها كم معدلك قالتلي خليها مع المادة الاخيرة وراح اقول قتلها طيب انا قتلها لما سألتني المهم في نفس اليوم نزلت درجة المادة الاخيرة ورحت على طول ارسلها على الواتس انه نزلت شوي تقولي كم اخذتي اقولها انا اخذت كذا وسالتها قالتي اخذت كذا بس لما سألتها كم معدلك قالتلي مدري شفت نتيجتي وبسرعة طلعت قلت اها هينا انا انصدممممت يعني انا قتلك فليش ماتقوليلي ماراح اصكك بعين بقول ماشاء الله وعقبالي اخذ هالنتيجة
يعطيك العافية على هالموضوع