بفيدك باللي اعرفه
اول شي اتمنى ربي يوفقك وتنجحين وتروحين الجامعه
الانجليزي كان في التربيه ونقلوه للآداب
فقط في الآداب
وطبعا كلية الآداب تبع جامعة الملك فيصل
التخصص حلو بداية بس بعدها تبتدي الصعوبه شوي شوي
كبداية تدرسين 3 مواد انجليزي تعتبر مواد عامه وبعدها تتخصصين
انا اول سنه لي والسنه الجايه بتخصص وبكلمك عن اختبار الاجتياز اذا سويته لكنه مب الحين
بالنسبه للتطبيق احنا قالو لنا الاولاد قالو مافيه تطبيق مدارس لان فيه ازدحام بالمدرسين
اما انتم مادري بس بعطيك مكان يقدر الواحد يشتغل فيه مثلا السفاره او محل للترجمه
بالنسبه للزي فيه له قوانين بس ماعرفها بس متأكد انها مب موحده
اما النظام فهو نظام ساعات طبعا وانتي اختاري اللي يناسبك وفيه مواد للاسف ماتجي على حسب رغبتك بعطيك مثال
مادة الصحه واللياقه عندنا ماتجي الا الظهر ماتجي وقت ثاني
وفيه مواد فيها كثير اوقات صباحي ومسائي على كيفك
اما عن كيفية التسجيل فهو عن طريق الموقع
وكذلك تسجيل الجدول او الحذف او التعديل كله عن طريق موقع الجامعه
كله بالنت
اتمنى اني افدتك
يعطيك العافيه