المشاركة الأصلية كتبت بواسطة محمد الحناني

والمشكله ان بعضهن يفتخرن انهن مايعرفن بالطبخ إلا اسمه

مادري ليش .. يمكن يحسبن الجهل بالطبخ موضه

يعني مادري هي مستوعبة كم تهم مسألة الإلمام بالطبخ والنفخ رجل المستقبل

ودي صراحة تعلمونا وش اللي يمنع من انتس تتفرغين شوي بالبيت تتعلمين شلون تطبخين الوجبات الرئيسية للمائدة السعودية

من رز ولحم ومرقوق وجريش وقرصان وش بعد وش بعد ..ايه بس مانبي الا ذولي

والأمر سهل بحكم اني اعرف اطبخهن كلهن بسبب طلعاتي للبر اشوف ان تعلمها بسيط جدا ومايبي اي مجهود

انا بصراحة وعلى بلاطه مااتخيل ان الشباب تكون زوجة المستقبل وام عياله ماتعرف شي بالطبيييخ ..

خصوصا اني احب الأكل يكون من ايدينها .. وين الرومنسية يالمنسية ..

ولا بس تسدح على النت لما تنتفخ الكرشة همن تقول وراه مانيب رشيقة

يعني دبية ولاتعرفين تطبخين .. وش بقي اجل << ترى مهوب كلكن دبيات

انا اقترح على الجامعة تنزل مواد عملية للطبخ مايسلمون البنت الشهادة إلا وهي تفت بتسنيع المائدة