2013- 3- 18
|
#213
|
|
متميز بملتقى الفنون الأدبية
|
رد: ماتعرف تطبخ للأسف
اشكر صاحب الموضوع واللي ارسل تنبيه
وجهة نظري ان فيه ناس قلبها ببطنها وفيه ناس قلبها بعقلها والحرمه المفروض انها تسوي اللي زوجها يحبه وتهتم فيه حتى لو ماتعرف تتعلم ومثل ماقلتوا ان كتب الطبخ وش كثرها والعكس .
وماراح يكون شرطي اذا جيت اخطب انها تعرف تطبخ فيه اشياء ثانية اهم ..
اخوكم ابو لين متزوج وعندي بنتين الله يحفظهم ويحفظ اميمتهم وكل مسلم
عانيت الامرين في بداية زواجي لاني صرت حقل تجارب لكتب الطبخ وكنت اتعشى او اتغدا ولازم يكون معي مويه او بيبسي اذا صار الطعم ماش ابلعها والحقها مويه
ومع التشجيع وشوية تدريبات من امها دخلت عالم الاحتراف وبدت تضبط بعض الامور اللي احبها مع اني معقد بالاكل حبتين وما احب كل شي واذا شفت الشغاله تطبخ مافي امل اكل لو كنت ميت من الجوع وهي كثر ماهي حريصه اول شي تعلمته الاكلات اللي انا احبها ... بالمختصر معرفة الطبخ مو اساس واذا كنتو متوالفين وحريصين على بعض هي راح تتعلم وانت عليك بالتشجيع مو تقول وش هالمطاريس ولا مافيه ملح وانواع التحبيط
والبنت من يومها صغيره العابها عروسه ولا قدور وصحون مثل بنيتي الله يحفضها اذا رحنا محل العاب مسكت معها بمره تاخذ لها صحون وقدور واول ماوصلنا البيت جابت لها مويه وتحطها بالقدر وتاخذ المنديل وتقطعها صغار صغار سألتها وش قاعده تطبخين تقول بسوي رز واقولها طيب وش هذا اقصد المناديل المقطعه تقول هذا البصل يعني سبحان الله البذرة موجوده والاهم من هذا كله الام اذا كانت مو راعية طبخ اكيد ان البنت بتطلع مثلها ..
وكلن تلقى فيه عذروب ياانها ماتعرف تطبخ او ماتعرف اشياء ثانية ممكن تكون اهم والعكس
سامحوني على الاطاله بس حبيت ابدي وجهة النظر
شاكر ومقدر سعة صدركم
|
|
التعديل الأخير تم بواسطة BaDeR-7705 ; 2013- 3- 18 الساعة 10:08 AM
|
|
|
|