ضاع قدر قلوبنا بين الزحام"
أذكرك بالليل لامن جيت انام
واذكرك في كل وقت وكل حين
اذكر ايام السعادة والغرام
كيف كان الشوق فينا والحنين
اتذكر صوتك واحلى الكلام
وأتفكر كيف مرت هالسنين
كان تملكنا المشاعر والهيام
ماحسبت ان وقتنا الطيب يشين
بس شان الوقت ياحبي وضام
وصرت اتحراك ياخلي تلين
واآعذاب الشوق احرمني المنام
اآهـ من دنيا تعذبنا وتهين
ضاع قدر قلوبنا بين الزحام
صار حزني في عيوني مستبين
ماقدرت اعيش عمري في سلام
ولاقدرت انساك واستنى تبين
ياترى بيفيد شعري والملام
والا اعيش بضيقتي كني سجين
بس اقول ابيات شعري والسلام
وأسأل الله يسعدك في كل حين
راقت لـــــــي،،