|
رد: دكتور بليز محتاج لمسآعدتك..
عن آذنك برد عليك واتمنى انك ماتتضايق
آخـــوي طلبتك ثم طلبتك قل تــــم ..
تــــم ؟؟
تسلم والله 
ادري انك قدها ولو مو قدها ماقلتها
تكفى طلبتك تبعد تفكيرك عن هالأشياء اللي تفكر فيها المخدرات - الخجل - لوم أهلك -
كلها ماتجيب نتيجه والله ثم والله مااحد متضرر إلا نفسك واهلك
حرام تسوي في نفسك كذا او بأهلك تعوذ من إبليس واترك عن الوسواس
شووف المخدرات والله ماوراها إلا الإنحدار وبيضيع عمرك وشبابك وبتصير منبوذ من المجتمع ومن نفسك أول
أنت بنفسك راح تحتقر عمرك مع الوقت وبتضيع أحلامك كشاب
ماشاء الله انت تووك صغير والعمر قدامك ان شاء الله وبإمكانك تثبت وجودك بها الحياه فكر بشيء غيرك ماوصله خل أحلامك اكبر من غيرك
فكر بتعليمك بشهادتك بوضيفتك بزواجك مستقبلآ ان شاء الله
شفت ان قدامك مشاور بإمكانك أن تثبت وجودك فيه وتكون منه صداقات
الشيء الثاني اهلك بالله فكر فيهم لاضعت وضاعت كرامتك ورجولتك بها الأشياء الوسخه
فكر كيف راح تكون نظرتهم لك اولآ ثم ردة فعلهم عند الناس ..؟
انا ادري انك اكبر من كذا بكثير وادري انك ماتتنازل لها الأشياء الوسخه والحقيره وادري ان إبليس لاعب دوره بها الموضوع
وادري انك قدهااا وقدود وان شاء الله راح تشيل من بالك هالتفكير وهالأشياء
الشيء الثالث الخجل اخوي بصراحه وش تفضل الرجال الخجول ولا النوع الثاني ؟؟
تبي الصراحه كلآآ فيها إيجابيات وسلبيات انا ابيك بس تخفف شوي بس من خجلك خلك وسط لا كذا ولا كذا
وان جينا الجد النوع الثاني احسن حاول مع الوقت انك تتصف فيه انت بس لو حطيت براسك انك راح تتغير ان شاء الله راح تتغير بس انت سهل الأمور وبتتيسر بأذنه
والنقطه الأخيره الصحبه
مو كل صاحب تتعزوى به
انتبه فيه اشخاص كثير بها الدنيا منهم الطيب ومنهم اللي للأسف مو عشانك تبغا صاحب تختار لك اي شخص انتبه راح تتأثر منه مع الوقت (الصاحب ساحب) مثل مايقولوا
عشان كذا خلك مع الخيرين عشان تمشي معاهم على طريق الحق ويعاونونك على الطاعه
وبكذا جمعت حاجتين رضاء ربي عليك ورضى نفسك
وتبي الجد خلك كذا احسن شباب هاليومين الواحد مايضمنهم
طع ربك واحسن معاملتك مع اهلك هذا احسن شيء بينفعك بعدين
لا صاحب ولاغيره بينفعووك
اتمنى اني ماضايقتك بردي واتمنى انك تتقبله بصدر رحب
لك مني خالص التحايا
|