ملتقى طلاب وطالبات جامعة الملك فيصل,جامعة الدمام - عرض مشاركة واحدة

Dark Chocolate · 2013- 3- 19

اقتباس:

المشاركة الأصلية كتبت بواسطة كلي مهابـهـ

اليوم تبهذلت آخر بهذله لعيون جامعتنا الموقره

طبعا رحت لمدرسه اهليه ورفضو الخطاب يبونه من الاداره والتطوير

وجلست ساعه احن عليهم لين طلعت السكرتيره من عائلتي وتوسطت لي

والمرشده وهي تحل الاسئله تقولي غريب نظام جامعتكم كيف يعطونكم هالنماذج وانتم ماتدربتو

قلت معليه جامعتنا معكوسه والاسئله اللي ماعرفتيها اتركيها انا اعبيها

من بعدها ختمت ورحت لمستشفى سلمان
وكان احلى استقبال من الاخصائيه لما شافت خطابي قالت ذبحتونا يابنات فيصل

وتسحب علي وتروح تشرح لطالبات منتظمات بجامعة الملك سعود طبعا هم جايين يتدربون
ولابسين بالطو حسيتهم صدق يتدربون بمعنى الكلمه مو احنا جايبين اوراق ولاندري وش الطبخه
ومعاملتها معهم كانت ممتازه بس لما خلصت شرح لهم طلعت تنفيسها علي حسيتها مستحقرتني لاني انتساب

وتنافخ وكل شوي تقولي انتي وش دخلك بهالقسم وانا ابتسم وودي اعطيها بوقس

قلت لها اعطيك النموذج حق التقرير وتجاوبين قالت بعد تبونا نكتب لا والله انتي اكتبي
السؤال اللي ماتفهمينه انا اجاوبك عليه بس ماراح اكتب قلت معليه

واذا مافهمت سؤال قالت لي وش قصتكم يابنات فيصل ماتفهمون الاسئله انا هنا ودي انفجر عليها
كيف نفهم الاسئله واحنا ماعندنا خلفيه ولامعلومات كافيه عنها

المهم من بعد ماخلصت ختمت لي وقالت ترى ختمي مايكفي خلي مدير المستشفى يختم لك
وبعد ساعه من الف والدوران بالاسياب طلعت من المبنى لين رحت لشؤؤن الموظفين
ولقيت المدير وختم لي ورجعت للبيت وانا كارهه نفسي وأتحسب على هالجامعه اللي ذلتنا

اذا زيارتين وسوو فيني كذا اجل الترم الجاي وش بيصير الوضع ماينسكت عليه حسيت اني رايحه اشحذ
مو طالبة جامعيه جاية تتدرب ولكن الشكوى لله

صادقه مفروض الجامعة يحددون لنا اماكن خاصه و يكونون منسقين معهم من قبل يعطونهم خبر مو كل شي اجتهاد منا

اهم شي خلصتي وارتحتي من همه

عقبال الفل مارك