ياصاحبي الدنيا حكايات وعلـــوم..
قصص عجـيبة تذهــل الي قراها..
،،،،،،
الدنيا لو تضحك معك دايم الدوم..
خلك فطــين ولايهمـــك رضــاها..
،،،،،،
كم واحـد تبنى له أمــال وحـلوم..
يفني وغــيره يهـتني في بنــاها..
،،،،،،
ياما أفرحــت قـوم وأحــزنت قوم..
وكم أعشقت عين وخــانت غلاها..
،،،،،،
ياصاحبي شفت أمس وحالنا اليوم..
دنيــا تقـلب يكفي اللــه بــــــــلاها..
،،،،،،
اليوم لامنه بــغت عــيني النــــوم..
تنكــدت روحــي وعـافت كــراها..
،،،،،،
ماكل من علا بالأصــوات مفهوم..
وماكل روح تلتــقي في منـــــاها..
،،،،،،
وماكل من يشكي معذب ومحروم..
وماكل من يضحك همومه نساها..
،،،،،،
بحر الحياه إن صرت ماتعـرف العوم..
يرمـــيك في غــبة بعــيده مـــــداها..
،،،،،،
من راح يستسلم من أحزان وهموم..
يمــوت حـي وحاجـــته ماقضــــاها..
،،،،،،
واجه هبوب الوقت بإيمان وعزوم..
لابد مـا ربــك يهــدي هـــــــــواها..
،،،،،،
أصبر إذا شمسك حجب نورها غيوم..
الغــيم يتفــرق ويشـــرق ســــــناها..