أهلين رهام ، كويس يعني مو متأخره كثير ماشاء الله 3 محاضرات مب مره كثير ..
يلا شدي الهمة إن شاء الله يسهل عليك و تخلصينها بسهوله و سرعه ..
أما عن النت
هو ما يستخف إلا إذا صرتي تبغينه ضروري ، الله يعينك
مشكوره على ردك
الله يعينك :/ إذا دوام شفتات فما أظن يمديك على الطريقتين
فيه طريقه جات ببالي بس ما أدري تناسبك أو لا
لكن مافيها أيام فراغ للأسف ..
عدد موادنا 8 مواد لهالترم ..
كل يوم من أيام الأسبوع امسك لك مادة وحده بس ، سواء تحضرها مع المحاضرة أو بس في الملزمة..
ماعدا العقيدة الاسلامية أنا أشوف أنها ما تحتاج دراسه للمحاضرات ، صح كلها حفظ بس لو قبل الاختبارات بأسبوع مسكتها و أخذتها جزئيات ممكن يمشي الوضع معك ..
لو تركت مادة العقيدة الاسلاميه على جنب راح يبقى لك 7 مواد ، كل يوم في الأسبوع مادة ..
( ممكن تترك مادة ثانيه بدل العقيدة لو عندك مادة تشوف أنك ضامنها بإذن الله)
أو كل يوم مادة ماعدا يوم من أيام الأسبوع الي يكون عندك وقت إضافي تمسك مادتين..
الملخصات أنا أذاكر من ملخصات هتان و جزاه الله خير ما قصر معنا ..
اللهم كم محاضره في كم ماده تلاقي فيها نقص شريحه أو شريحتين من المحتوى سقطت سهوا ً ..
هذا الموضوع الي طبعت منه الملازم :
http://www.ckfu.org/vb/t425198.html
و بتقدر تلاقيها في المواضيع في المنتدى ممكن ناس يكتبون عنها ..لو لقيت وقت فراغ هالأسبوع راح أنزل موضوع عن الأشياء الناقصة
ما أدري لو المتابعه من الملخصات بدون المحاضرات كافيه بس دعواتي لك و للجميع بالتوفيق ..
أعتذر لو ما أفدتك كثير بهالطريقة بس إن شاء الله تمشي الحال بمحاضره وحده في اليوم