|
الاسف
صباحكم سعاده. 
(الاسف )
الأسف من بعد جرحك جرح ثاني
وانا شـ اكفيك انت والا اكفي جروحك ؟!
ما اعرف شاللي على دربك رماني
بس اعرف اني اعاني من جموحك
انا مشكلتي احبك وبــ تفاني
وانت مشكلتك تردد في طموحك
كل يوم تسوق قلبي للمواني
ولا بديت ارحل تقول ارحل بروحك
عمري اكبر من رجاك ومن حناني
صعبه اعيش افرز غموضك عن وضوحك
لاتزين وانت من داخل اناني
داخلك لو تستره وجهك يبوحك
تبي وجهك مشرق أحلام واماني
قبل وجهك فكر بتنظيف .. روحك
اتمنى ان تنال اعجابكم. 
محبتكم: ساره
التعديل الأخير تم بواسطة الــغـــدراء ; 2013- 3- 22 الساعة 11:05 AM
|