المشاركة الأصلية كتبت بواسطة s3b ansak

موضوع جميل جداً جداً جداً .. سلمت يمناك علۍ الطرح انكسار ..

راح أسترسل في ردي علۍ الموضوع ومن خلال تجربتي المتواضعة في هذا الملتقى الجميل ...

في البداية أنا تأكدت وأيقنت تمام اليقين بأن هذا الموضوع يعتمد على المزاجات والنفسيات بالدرجة الأولى وتحيز ومجاملة بالدرجه الثانية والقلة القليلة التي تشارك وتتابع أي موضوع بناءً علۍ ما يحتوية من قيمة أو فائدة ، وهذة قله قليلة جداً ...

فئة المزاجات طبعاً هي الأغلبيه فمثلاً لو جاي ونفسيته زينة أو شينة بشكل عام راح يشارك بالسلب او الايجاب حتى ، راح يشارك ، ولو نفسيته تجاه صاحب الموضوع أو مرتاح له - وهذا شي طبيعي إنك ترتاح لشخص عن شخص ، فالأرواح جنود مجنده - راح يشارك او ما يشارك ، والنفسية الشينه أو الزينه ذي قد تكون مبنيه علۍ موقف سابق بين الاثنين أو إختلاف حصل بينهم ، وهذي ظاهرة للأسف أتمنى زوالها وإنها تنقرض من الوجود لأنها هي اللي رجعتنا ورا وما خلتنا نتقدم أبد .

أما فئة المجاملات والتحيز هذي فئه ممكن نعذرها لأن المجامله أصبحت ضروره في كل حياتنا ، ولكن بشرط إنه ما تكون المجاملة علۍ حساب ظلم الطرف الآخر أو هضم حقوقه وترجيح كفة من يجامله ، يعني إن لم يقل خيراً أو ليصمت ، هنا أعتبرة نفاق وكذب وليس مجاملة . هذا الكلام ينطبق حتۍ علۍ المتابعه برضوة ، فالبعض يتابع أعضاء من باب المجاملة أو لأنه يتابعه ، لكني اؤمن بأن مثل هذه العلاقات لا تدوم طويلاً لأنها مبنيه علۍ أساس ضعيف ، وعند أول إختلاف بينك وبين الشخص ستنتقل العلاقه فيما بينكم الۍ الفئة الأولى .

أما الفئة الأخيرة والقليلة فهي الفئة التي أقف لها إحتراماً وتقديراً وتبجيلاً ، لأنها مبنية على أساس الفكر والطرح ، وأتمنى من الكل أن يحذو حذوها لكي نرتقي بأفكارنا ومجتمعنا ونكون مفيدين .

كل الشكر والموده والتقدير والمحبة والإمتنان والمشاعر الجميله لروح من أرسل لي التنبيه ...

المشاركة الأصلية كتبت بواسطة j a m i l a h

و عليكم السلآم ورحمة آلله ,




آهلا بالغآليه آنكسآر

لا شك أن الردود حآفز كبير لتقديم الأفضل ,

لكن فيه شي لازم نحطه في بالنا [ آن كثرة الردود وعدمهآ لا تعني آن الموضوع جيّد أو سيئ ] !

مثلآ : أنا آشوف الموآضيع النشيطه هي اللي تكون تلآمس مشكله أو وآقع نعآيشه بالفتره الحآليه ..

يعني آختيآر الموضوع و أسلوب الكآتب أيضا , يأثر كثير بهالمجآل ..

اضافه لـ طريقتي أنا كـ قآرئه واللي بالطبع تختلف من عضو لـ آخر ,

أنا بآعتقآدي الشخصي , اذا اعجبني المحتوى اضغط لآيك

اذا أبهرني جددا أو بأشجع قيّمت على طول

اذا حسيت آن عندي آضافه بتثري الموضوع رآح اضيفها كـ رد ,

ليش ..؟

لأني ما أحب الردود البآهته أم كلمتين وفيس






وتذكّري ,

اللي يتعود على العطآء مآ يرعبه قلّته !


كُوني بخير

المشاركة الأصلية كتبت بواسطة رايق ع الآخر

انا عن نفسي

اكتب موضوع ويرد شخص واحد يستفيد مني واستفيد منه


افضل من انه يرد على موضوعي عشرة يتهاوشون وفي الاخير ماطلع احد منهم بفايده

بعدين اللي يحط موضوع للفايده فلا ينتظر الناس يردون عليه ويقولون مشكور على الموضوع

الله اكبر يعني لو قال لي واحد شكرا موضوعك جميل يعني طالعه من قلبه هههههههههههههههههه والله اكثرهم ماخذها برستيج بس