المشاركة الأصلية كتبت بواسطة مستجـدة

السلام عليكم ورحمة الله وبركاته ..

طبعا واضح من اسمي اني طالبة مستجدة .. يعني توني ""تحضيري "" ..

يعني بالضبط على قولة اهلي .."مامداك تكرهين الكلية .. !!!

ياناس ياعالم .. حرام توني اول سنه واشوف هذا القدر من البلاوي .. !!!!!!!

ليه طيب انا جاية ادرس .. اسمي طالبة جامعية .. مو ""العبدة المظلومة "" ..

أحيان احس اني في سجن مو في كلية .. من الأنظمة الي حاطينها لنا ..

طبعا أول شي قاهرني البانر .. يعني اش بيصير لو يخلونه مفتوح 24 سااعة ..

يعني من الدلخ الي بيدخل على موقع الجامعه التافه ويخترقه ..؟!!

طيب خلصنا من نظام البانر .. جينا للأمن واستهبالاتهم الي محد يطيقها ..

والله في وحده فيهم ودي اصفقها لين ماتقول بس .. ليه كذا يطالعون فينا ويحتقرونا ..

واذا جينا نسألهم ردو بنظرات كريهه زيهم .. طييب يمكن يكونون تعبانين من الشغل او شي ..

الدكتورات وأسلوبهم الي يخلي الوحده تطلع من ملابسهاآآ .. خير ان شاء الله جايين ندرس

مو نتهزأ مع وحده ونتكاعش مع الثانية والثالثة تصارخ علينا .. والرابعه مدري اش تسوي ..

هذا غير الدوام الي مقطعين ظهورنا فيه هم وأوقاتهم الجديدة ..

في حد صاحي في العالم يرجع لبيته 4 الا ربع ..؟!!!! احيان اهلي يستنوني ع الغداء ..

يعني أأخر اهلي عشان خاطر دوام الكلية .. طيب دامكم تطلعونا 3 وربع .. خلو الكفتيريا مفتوحه

عشان الي تطلع من المحاضرة تتغدا وترجع بيتها تنام .. والا اقولكم .. لا تخلونها مفتوحه ..

بس خلوها قريبة .. مو نقعد نتسابق في الجسر عشان نفطر ..

ياويلي ماصارت حالة هذه .. متأكدين اننا ندرس في جامعة ..

أدري ان محد بيسمعني او بيدري عني .. لكن اهم شي اني اتكلم ..

وكل ماجينا نتكلم منعونا وطلعو لنا اعذار زي وجيههم ..

آآآه ياربي بنجن .. انا خلاص غسلت ايدي منهاآآ .. اي قرار جديد وغير معقول بقبل فيه

تدرون ليه ..!!!

لانهم يبغونا نطفش .. بس والله لاقعد على اكبادهم .. واغثهم >> ارحميناا ..

معليش تكلمت كثير .. بس اهم شي طلعت الي في قلبي ..