2013- 3- 23
|
|
Banned
|
|
|
|
|
على الهون
على الهون ياجرح المفارق وضيق البـال
علي الهـون ياهـم سطابـي وقدرتـه !
اعزك لوانـك جـرح ومجاهـدك قتـال
وروضت جسمي لاجل سقمـك وصبرتـه!
لاجل من ملك قلبي من الجال لين الجـال
وفجيت له باب عـن النـاس سكرتـه !
وحطيت له عن شمس قيظ الغرام اظـلال
وشيدت لـه بيـت بقلبـي وعمرتـه !
عشقتـه ودللتـه وجريـت لـه مـوال
وتخيرت قربـه ليتنـي مـا تخيرتـه !
رعى ريف قلبي لين صار الحشا مدهـال
وعن مدهلـه جنبـت غيـره وذيرتـه !
سقيته من عـدود الغـلا والغـرام زلال
بعد ماجذب مـن دم قلبـي وصدرتـه !
اداري عليه من الزعل وازعـل العـذال
وخطاه ان كبر في عين غيري تصاغرته!
ترافقت انا وياه مـن يـوم كنـا اطفـال
تكون غـلاه بوسـط قلبـي وكبرتـه !
قبـل مايغطـي ليلـه المنتثـر بالشـال
سرقت الكرى من نون عينه وسهرتـه!
نقش كل حرف من حروفي على السلسال
تباهى بهـا واغـاظ نـاس مجاكرتـه !
وكتبت القصايد في عيونه على اليامـال
وليا مرنـي صـوت النواخـذ تذكرتـه
تكاثر علـي الله يجازيـه كيـف الحـال
وانا يوم اسوق العمر له مـا تكاثرتـه !
وبعد كـل هالتقديـر والحـب والاجـلال
تغيـر وهقـواتـه علـيـه مغيـرتـه!
لبسته ثياب الغطرسه ليـن جـا يختـال
وكبر في عيونه يوم الاوهـام غررتـه !
واذا السالفه ضحك ومهازل ولعب اطفـال
خبطت الغصن لين ابرق الريش طيرته !
خلصنا وقفلنـا الصناديـق بـا لاقفـال
ومن جور حكمه كامل القلـب حررتـه !
|