2013- 3- 24
|
|
أكـاديـمـي فـعّـال
|
|
|
|
شحب صوت الحنين
_
شحب صوت الحنين .. وجـفـّتْ أنفاس الوله والشوق ..
وبقى في داخل ضلوع الغلا .. همس ٍ .. يواسيني
تعبت أستجدي غروب السكوت .. وصوتي المخنوق ..
لعـل الليل يسكن في ( ذرا ) الكلمات .. ويحكيني
تباطيت الأمل .. والياس فيني من بطاه .. عروق ..
تشِتتْ كل ..( نقطة نور ) .. تسري في شراييني
نزحت أبكي على أطلال الوصال .. وحلمي المسروق ..
وبكتني ذكريات القرب .. والضحكات وسنيني
رجعت بجعبتي هم ودموع .. ولوعة ٍ .. وحروق ..
وحظ ٍ منكسر .. من كثر ماقد طاح ف إيديني
شبيه الشمس .. دام إنّ الزمن ياغايتي .. ملحوق ..
أبصبر .. والعزا طيف ٍ.. مقرّه في وسط عيني
يمين الله .. ما زاحم مكانك بالحشا .. مخلوق ..
لحالك .. مستبيح القلب .. تذبحني وتحييني
تسلطنتْ بحنايا الروح .. وشرّعت الخضـوع طروق ..
رغم طول المسافة .. كـنك بجنبي .. تباريني
وفيتْ لحبك الطاهر .. ولاّ خالفت فيه حقوق ..
كأني في ( يراعك ) .. حرف .. تكتبني وتمحيني
تطمّن يانظر عيني ..معك .. لين الزمان يروق ..
مسير العشق .. يجتاح الفراق وغصب .. يدنِـيني
أنا لكْ .. رغم كل آهات بعدي .. والعنا والعوق ..
و
مدامك داخل ضلوع الغلا من جد تكفيني..
|