شـفـتـك وعـيـنـي كـنـهـا مـاتـراعـيـك
مخفـي شعـوري كـنـي إنـسـان ثـانـي
،،،،،،
قلبـي يــدق وقـلـت ياقـلـب وش فـيـك
خــلــك ثـقــيــل ولاتـبــيّــن حـنــانــي
،،،،،،
تبـي الصراحـه كـنـت نــاوي اجافـيـك
واعـلّـمـك كــيــف الـمـولــع يـعـانــي
،،،،،،
نـويــت اكـابــر بالـمـحـبـة واخـلـيــك
واصـيـر مثـلـك يــوم قـلـبـك نـسـانـي
،،،،،،
لكنـي مـن زود الـولـه رحــت انـاديـك
غصـبٍ عـلـي يـمـك خفـوقـي دعـانـي
،،،،،،
من غير مااشعر صرت اتابع خطاويك
من فرحتـي بـك نـور وجهـك غشانـي
،،،،،،
مانـي مصـدق يــوم اشـوفـك ولاقـيـك
بـــك نـظــرةٍ بـالـحـب هـــزة كـيـانــي
،،،،،،
دونــك يديـنـي حطـهـا بـيــن ايـاديــك
جــدد مـعـي بالـحـب أغـــلا الأمـانــي
،،،،،،
جـيـتـك وانـــا تـايــه أدوّر مـسـاريـك
اتـبـع طريـقـك لـيـن شـوقـي هـدانــي
،،،،،،
طـوّلــت بالغـيـبـة وطــالــت لـيـالـيـك
كــل مابغـيـت انـسـاك قـلـبـي نـهـانـي
،،،،،،
تخطـي واسـامـح ياحبيـبـي واداريــك
ليـتـك ربــع ماعطـيـك قلـبـك عطـانـي
،،،،،،
عـذروبـك الهـجـران وكـثـرة تغـلـيـك
وإلا إنـت ساكـن بالضـلـوع المحـانـي
،،،،،،
اشفـق علـى شوفـك وقربـك وطاريـك
إنـت الأمــل عـنـدي وشمـعـة زمـانـي
،،،،،،
إن رحــت وإلا جـيـت مـانـي بناسـيـك
إنـــت الـحـبـيـب الـغـالــي الأوّلانــــي