|
رد: :: هنا :: منـــــــــــــــاقشة مــــــــادة مشروع التخرج وتبادل الخبرات
اقتباس:
المشاركة الأصلية كتبت بواسطة فضيل
شكراً أخ خيال واسع ع المعلومة انا اقدر اروح ترم واحاول يضموني للبعثة (لأنه مهما كان الدراسة ما يتحمل تكاليفها احد) لكن المشكلة هناك لازم الواحد يتمرمط في السفارة على ما سمعت يعني اذا ماعندك واسطة ما يصير شيء
وش رايك؟
|
عزيزي فضيل،،،
عندي معلومات ممكن تفيدك بما أنك مهتم في دراسة الماستر في بريطانيا انا راسلت جامعات وعرفت الطريقة للدراسة والابتعاث طبعاً النظام تغير من شهر رجب الماضي ما عاد فيه تقديم عن طريق السفارة التقديم يكون عن طريق موقع وزارة التعليم العالي (طالب دارس على حسابة الخاص) وبعد ما تروح لبريطانيا تسوي شي أسمه تفعيل ملف طالب فقط عن طريق الملحقية، المهم فيه مؤتمر للجامعات العالمية وفيه تقريباً 70 جامعة من الجامعات المشهورة في بريطانيا والمؤتمر هذا الله يسلمك سيقام في الرياض (المعرض والمؤتمر الدولي للتعليم العالي الدورة الرابعة( 16 - 19 أبريل 2013 م من الساعة 9 ص إلى الساعة 6 م )
أخيراً نصيحة اذا ناوي تلتحق في برنامج الماستر الترم القادم طبعاً اغلب الجامعات التقديم يكون في شهر يوليو والدراسة تبدأ في سبتمبر وبعض الجامعات في يناير ومدة الماستر في بريطانيا سنة النصيحة يا عزيزي لازم تختبر الأيلتس من بدري والمطلوب لأغلب الجامعات 6.5 في المجموع وأذا جبت اقل من الدرجة هذي فيه نظام عندهم يسمونه قبول مشروط بحيث انهم يعطونك كورس مكثف مدة تختلف على حسب درجتك والتوفل أيضاً مقبول 92 في المجموع وبرضوا نفس النظام اذا اخذت درجة اقل يكون فيه قبول مشروط.
وأي أستفسار إن شاء الله أقدر أفيدك
بالتوفيق،،،
|