السلام عليكم ورحمه الله وبركاته

صباح الخير . . . .

اخباركم مع الدراسه والتحضير والحوسسه
اتمنى يكون هالكورس حلو وخفيف ع الكل يارب

,

طبعا ندخل ب الموضوع "

صراحه انا توني اخذت ماده ( الرياضيات 2 )
وهي للدكتور المشهور ( الطاهر . . )

وحبيت انزل موضوعي لمجموعتي الناريه لان المجموعه الي ورانا
حدها دايخه وردودهم ماتبرد القلب ’

. .


السالفه ومافيها انا احس اني متوهقه بعنف
فتحت محاضرتين ,
لاكن الدكتور وللاسف فيه نقاط كثيره وهالنقاط جدا سلبيه بالنسبه لي
ومادري اذا تشاركوني بكلامي او لا . .

اولها شرحه .. ابدا مومفهوم ومايدخل المعلومه زي دكتورنا العجيب ( حنفي ) : يارب ماغلطت بسمه

وثانيا . . عنده كلمات كثيره ماهي مفهومه والله امشي وترجم وراه
ثالثا . . مالها داعي يشرح نص الرموز والاشياء المهمه بالانقلش ؟!
طيب الي ميح ب الانقلش ومخه ناشف شنو يسوي بنفسه ؟! ..

احس اني ماراح اعديها والسبب هالدكتور الفاضل
ف ياليت واتمنى اي احد عنده شرح لطالبه او طالب واضح للماده
يعرف دكتور معين او مدرس معين في اليوتيوب يشرح الماده بسلاسه واسلوب يفهم
بعيد عن الانقلش
ينفعني وينفع الطلاب المتوهقين امثالي




لا هنتو والله انه طلب وليس امر اذا ماعليكم كلافه
وربي يوفق الجميع