2013- 3- 29
|
 |
متميزة في علم الاجتماع مستوى 8
|
|
|
|
ابقى بنية يا رجال
مسترجلة في مشيها في لبسها ماهي فتاة
والصوت حدث لا حرج يطلع من اوتار الرجال
تعشق بنية مثلها وتميل عن لبس العباة
تمسك يديها وتلتقي نظرة حرام مع حلال
لو يسألوها وش تحب من عطر او حمرة شفاة
تقلب براكين وتقوول احب غترة مع عقال
فيها خشونة لأقبلت عرق الحيا ولى ومات
لا قلت ياميشو بغيت طارت من الكلمة بجال
ثم استردت بالحكي وقالت كلام ( م) للبنات
غيرت اسمي وافهمي مشعل انا اسمي يادلال
حسيت نفسي من وعيت اني ولد ماني فتاة
ولبست مع بابا الكبك وجلست بجموع الرجال
حتى السجاير ذقتها وادمنتها وش هي السواة
محد (ن) نصح عن غلطتي بل زودوني بالدلال
مسترجلة غصب علي قرفت من ضعف البنات
والدمع لاشفته سكب نار(ن)على صدري همال
امي تعاني ضعفها تبكي وهالعالم سبات
محدن رحمها من بكت واتحملت لجل العيال
وابوي يوم اني وعيت سمعت تبا(ن) للبنات
غرس بذاتي كرههن والضعف وانواع الخبال
يااااهيه انا مسترجلة وبليلتي مقدر ابات
ودي ارد لطبعكن همي هدم ذيك الجبال
مالي هدف بدنيتي اوضاع روحي في شتات
مهما تحديت وعليت ابقى بنية يا رجال
هاذي يدي خذي بها وحطي بها معنى الثبات
ماعد انا مسترجلة حالي من الغلطات مال
برسم عيوني بالامل والذكر باطراف الصلاة
واحط راسي لا قريت آية لربي ذي الجلال
راقت لي واحببت مشاركتكم
|