|
قال الوداع وقلت يازين لالا...
قال الوداع وقلت يازين لا لا**ماهو بحق تغيـب عنـي دقيقـه
لك في صميم القلب قدر وجـلالا**وفراقكم ياروح روحـي ماطيقـه
ماطيق بعـدك ياحسيـن الـدلالا**فرقا الشمل ولّع بكبـدي حريقـه
عليك حالـي ناحلـه ب انحـلالا**والنفس فيها يابن الاشراف ضيقه
يهوي على قلـب همـومٍ تتـالا**صادمت من حبك جروحٍ غميقـه
واليوم انا ماريـد فيـك البـدالا**اخذ كـلام اللـي كلامـه حقيقـه
وانا على وصلك كثيـر الامـالا**وصل العشيق اللي وفى في عشيقه
سبحان من صورك جل وتعالـى**الجسم ناعـم والملامـس رقيقـه
بيضٍ تحت حمر الشفايـا تـلالا**كن العسل يصنع من اطراف ريقه
اكظم ليا طـرّي وجالـه مجـالا**مافي يدي حيله ولا لـي طريقـه
الا نهار يـروح سيـد الجمـالا**اخضع وودعنـي عهـودٍ وثيقـه
سافر ودمعه مثل وبـل الخيـالا**وانا عيوني من دموعـي غريقـه
هل الهلال وهـل عقبـه هـلالا**والروح في لاماه حرصه شفيقـه
ان كان ناس وتدّعـون الكمـالا**عودو على حيٍ جفا النـوم ميقـه
جفا المنام وصـاب قلبـه جفـالا**صار السهر عقب العداوه صديقه
بين الرجا والياس والعهـد طـالا**والله يبور بمـن يبـور برفيقـه
مشبوك والمشبوك امـره محـالا**لا واهنيّـك يالطيـور الطليـقـه
راع الهوى اعن الهوى مايسـالا**يوم المحب اقل حاجـه تضيقـه
خلف بن هذال العتيبي
راقت لي,,,
التعديل الأخير تم بواسطة الجــــ@ـارح ; 2013- 3- 30 الساعة 03:16 PM
|