انا معك صعب اول شيء نتفائل بالخير باذن الله وكلامهم حلو ومن صالحنا لو بطبقونه لكن الحين الجامعة الالكترونية زي ماقلت مناهج بدائية وانا اطلعت عليها من خلال منتداهم تقريبا تخصصات حاسب ومافيها اداب ولا ادارة اعمال ولا تربيه حتى واكيد اذا استمرت مصيرهم يفتحون هذي الاقسام وخصوصا ان الجامعات الحكومية معاد بكون فيها نظام التعليم الالكتروني او عن بعد
وزي ماتعرف الجامعة الالكترونية محصورة في عدة مناطق الرياض المدينة جدة الدمام هذا حاليا ولابد من الحظور مرة كل اسبوع ومسمى الشهادة انتظام مو انتساب يعني تبي تقنعني انا بنكون حنا وخريجي الجامعة الالكترونية الي درسوا فيها راح بنكون في نفس الدرجة العلمية او بنفس المستوى اكيد لا واكيد مافيه شيء الا وله ضريبه لكن اشو الله اعلم وهذا اذا صدقوا في كلامهم وماقالوا لنا على بلاطة شهايدكم مالها مستقبل ومااعترفت بها وزارة التعليم
انا ماجالسه احطم ولافي بالي اترك الدراسة ومثل مابديت مشواري ابكمله ان شاء الله وكل اللي علي بسويه بس يحز في خاطري لو جاء بكرة وصارلي كذا وحسيت اني ضحية قرار متراجع عنه والهدف من وراءة الكسب المادي فقط اوكيه لايوضفونا على طول يخلونا زينا زي غيرنا بس يعطونا شهايد معتمدة ومايروح تعبنا هباء منثور