^
فيه موقف تذكرته بس ماكتبته عشان لا تسموني مجرمة الملتقى ههههههههههههه
وانا صغيره صف أول ابتدائي الترم الاول
دخل شي في اذني وسبب تورم ونزيف داخلي وخارجي
بسبب ملامسة هلشي اللي دخل لـ طبلة الاذن
كنت اراجع العياده ويحاولون يشيلون تخثر الدم من اذني عشان يعرفون وش فيها
الا اني اجرمت فيهم كنت اصيح وابكي واتحرقص
وصار الدكتور يجيب نيرسات يمسكوني وكنت اعضهم

ودايم يصارخ بوجهي واقول له انقلع ياحمار هههههههههههههههههه
مره مسكني وهزني مع كتوفي وصرخ علي وقال راح اسوي لك عمليه
واقطع اذنك اخبر اني تفلت على وجهه وقلت اتحداك
< اخذ راحتي اذا ابوي موب موجود
وراح نادا على ابوي وهجدت غصب وبس يحاول يطلع التخثر اتحرقص
اخر شي مسكني بقوه بيدينه وعضيته عضه اتوقع للحين ما نساها ههههههههههههه
ومن بعدها قرر يسوي عمليه تنومت يومين واليوم الثالث عمليتي
باليومين بهذلت امي كان سرير الاطفال اذا رفعوا السور عشان لا انزل
احفر اللحاف واطلع من تحت هههههههههههههه
واجلس اولع اللمبة وارجع مكاني < اللمبه هي الجرس بس ماكنت ادري
وتجي النيرس تحصلنا نايمين وارجع اولع اللمبة وارجع مكاني لين صارت تصفطني وماتجي هههههههههههه

وسووا العمليه وطلع اللي بإذني "استيكه" بـ لهجة الدكتور المصري
يعني مساحة او ممحاه اللي كان بإذني مساحة قلم لونها ابيض
وذيك الفتره ماكانت امي تعترف غير باقلام رصاص الاتحاد
اللي مخططه بأصفر واسود والمساحه حمرا
من وين جيت هالاستيكة لإذني مدري
بس اخبر اني جننت امي كنت اروح مع الحرمه اللي بالغرفه اتمشى
وامي تجلس على اعصابها لانها ماحصلتني هههههههههههههههه