انا اعتقد احنا جيل مايتحمل المسؤليه
طبعا مو الكل الا من رحم ربي
لان لو خليت خربت
للاسف الحين الطلاق كثر والسبب عدم تحمل المسؤليه لكلا الطرفين
الان العطاله كثرة والسبب اتكالية بعض الابناء على اهلهم في المصاريف
الان الانحراف كثر والسبب انه صار اسهل شي وصار تهرب من الواقع
الحياه يبيلها صبر مايبيلها دلع
مالوم الشيبان والعجايز لو تذمروا على هالجيل
دامني انا يابنت هالجيل ماهو عاجبني بعض جيلي
وشلون هم
الله يعظم اجرهم واجري واجر كل من مغتث
اكيد جيلنا شبه فاشل
دامه ماهو بفالح بأي شي
البنات مايعرفون يطبخون ولايتحملون المسؤليه وبس بلسانها ابي خدامه
والولد بس سفر وتمشيه مع اخوياه ولاهو قايم بمسئولياته تجاه والدينه
حياة جيلنا هذا
بي بي وواتس وتويتر وسوالف واعجاب والخ
استغفر الله صار ماافي بر بالوالدين
صار مافي تحمل مسئوليه
طبعا كلامي مو للكل البعض
واحنا لومنا على هالبعض
زمان اول يازينه بالرغم ماعشته بس من سوالف امي وابوي وجداني الله يرحمهم
من اول ام 15 تعرف تربي بزارين وشايله البيت على راسها وتطبخ وتنظف وتكرم الضيف
وابو 20 يفتح له بيت وشايل والدينه وعايلته على راسه ويشتغل ويطلع الفلوس من عرق جبينه
وماشاءالله عايشيين وسعيدين في حياتهم
ام الحين يوصلون للثلاثين وتفكيرهم تفكير مبزره
طبعا ارجع واقول مو الكل عشان محد يزعل
بالمقابل في شباب وبنات ينحطون على الجرح يبرى من طيبهم واصالتهم وتفكيرهم الراقي والنضج وعندهم حس مسؤليه
طبعا يطول الحديث عن هالموضوع
وشكرا على الطرح