|
رد: الي فهم المحاضره السادسه من المحاسبه (الترحيل الى دفتر الاستاذ)ياليت يوضح لنا مافهم
بالراحة ..
استهدي بالله المادة بسيطة بس لأنها تتكلم عن حاجات كثيرة الواحد يستصعبها
انا بعطيك شرحي المبسط بناء على ان الحبايب اللي هنا شرحوا لك
ركز شوي معي و إذا مافهمت خبرني وماعندي مشكلة نشرح بالتفاصيل
الحين دفتر الأستاذ متعلق بدفتر اليومية .... طيب دفتر اليومية ايش ؟
اي عملية تصير في المنشأة رح نسجلها في قيد حلو ! انت فاكر دفتر اليومية وكيف شكله صح !
حلو الحين نروح لدفتر الأستاذ
مثلا قال لك الدكتور دفتر الأستاذ لـ ( حـ / البنك )
القيد بدفتر اليومية كان :
من حـ / البنك
إلى حـ / رأس المال
طيب كيف نسجلها بدفتر الأستاذ ... ولا اسهل
دفتر الأستاذ فكرته " بالنسبة لي " نعكس الحسابات
يعني الحين حساب البنك طبيعته بالأصل مدينه صح ! ورأس المال طبيعته دائن ..
ياعيني عليك الحين بنشيل رأس المال ونحطه في جهة المدين بدفتر الأستاذ
حسب طبيعة البنك
طيب ياترى ليه حطينا رأس المال جهة المدين ؟
لأن البنك طبيعته مدينه هنا فَ عشان كذا ننقل رأس المال لجهة المدين
طيب لو فرضاً جانا قيد عبارة عن :
من حـ / بضاعة
إلى حـ / البنك
البضاعة تعتبر الحين مدينه فين نحطها الحين ؟
و طبيعة البنك هنا دائن .... فين نحط البضاعة ؟
بالضبط نحطها في جهة الدائن من دفتر الأستاذ
يعني الجهة اللي تلاقي فيها البنك رح تحط الأشياء اللي معاه بالقيد جهته
طيب حطينا كل حساب بجهة وصار عندنا حسابات في الجهة المدينة وحسابات في الجهة الدائنه
وطبعا كل حساب له مبلغ
طيب حنا بدورنا نجمع هذي المبالغ يعني نجمع الطرف المدين لحال والطرف الدائن الحال
ونطرحهم طيب طلعنا ناتج الطرح
ناتج الطرح ايش نسوي فيه ؟
الحين انت قبل شوي جمعت الطرفين المدين وطلع لك مبلغ و جمعت الدائن وطلع لك مبلغ حلو !
طيب انت يوم جمعت لقيت المبلغ اللي بجهة الدائن مثلا اصغر من المبلغ المدين
ناتج طرح مبلغ المدين و مبلغ الدائن نحطه بالجهة الأقل يعني بجهة الدائن صح !
طيب ليه نحطه بجهة الدائن ؟ لأن جهة الدائن مبلغها اقل من المدين بعد ماجمعناها
فَ نحط ناتج طرح الطرفين كمتمم حسابي يعني زي مثلا
انت معاك 10 ريال ( انت تمثل جهة المدين )
اخوك معاه 7 ريال ( اخوك يمثل جهة الدائن )
10 ناقص 7 تساوي 3 صح ؟
طيب انت هنا بدفتر الأستاذ زي اللي تحط الـ 3 بجهة الأقل ( وهو اخوك )
عشان يصير معاه 10 زيك
يارب انك فهمت .. حاولت ابسطها لك , و إذا مافهمت انا بالخدمة
بالتوفيق إن شاء الله
|