الله يسامح كل رمش(ن) جرحني
و يا عاشقين الجرح وين التسامح
البارحة ممسيت وباقي بعيني
صورة رفيق الروح زين الملامح
اشتقتله والشوق فيني فضحني
يابو رموش(ن) عذبت قلب جامح
يكفي لذيذ النوم عيا يجيني
وسطوة رموشك في الحنايا الترامح
وين التسامح حس لو يوم فيني
ياما تناسيت الخطا لك ودامح
لكن تدلل ياهواي وضنيني
يبقى الغلا بالقلب ولجلك اسامح
واعاهدك بالحب بينك وبيني
حب(ن) تمنيته من اسنين طامح