|
،،،،،، يالعنبو قلبٍ على الصد يجبرك ،،،،،،
انســاك وارجــع واتذكــرك وانساك
واذكــرك وانسى واتذكــرك واذكــرك
،،،،،،
واسمع صدى صوتك واناديك حياك
واطرد سرابك واخذ شوي وانطرك
،،،،،،
وامــوت وحـيا واتمـناك والـقـاك
وانـاظـــرك قـــــدام عــيني وادورك
،،،،،،
هذي سواتي شوفني عقب لاماك
وشلون بنسى وانت في قلب شاعرك
،،،،،،
شـلــون اعـــيش اللــي بقـالي بليـاك
ياصاحبي من هو على البعد جابرك
،،،،،،
ارجـع وخـل القـلب يفـرح بلقياك
الـى مـتى وانـا تحـرى مشاعرك
،،،،،،
تعبت من فرقاك ياشين فرقاك
يالعنبو قلبٍ على الصد يجبرك
،،،،،،
ياشينها دنيا تحدك على قصاك
وياشينها نفسن تحدك على اخرك
،،،،،،
تعـال بقضي تالـي العمــر ويـاك
نشري بعضنا لاتخسرني ولاخسرك
،،،،،،
انـا مـثل مـاني على حـط يمناك
ولاانت طاوعت الزمن لين غيرك
،،،،،،
الله بـلانـي فـيـك والله يـبـلاك
في حب من هو تالي الليل يسهرك
،،،،،،
وانا عسى قلبي يطاوعني اسلاك
والقى بدالك حـب يمـكن يوخـرك
،،،،،،
والحين ابنسى وتذكر وبنساك
انساك صعبه ادري اني ابذكرك
|