صار الوفاء في هالزمن كرت محــــروق
وصار الرفيق اليوم ،، يغدر رفيقــــــــــه
وصارت تشابه لحظة غروب وشــــروق
هم الصبح ، لاجا المساء ،، صار ضيقه
الوقت ما يرحم ،، ولا يعطي حقــــــوق
والحظ ميت ،، والحقيقـــه غـــريقـــــه
عندي خبر حصري ، حقيقي وموثـــوق
وعندي عليه أوراق ،، وعندي وثيقـــــه
تبي تصير أنسان في قمة الـــــــــذوق
أكذب ونافق ،، لا تقول الحقيقــــــــــه
وتبي تكون أنسان تافه ومطفــــــــوق
أصدق ،، وتصغر في عيون الخليقـــــه