باك لحجزي .... .......ادري عليه غبار

حفيييييييييييييييييدةة عليييييييييييييييي مااااهذااا الموضوع الخونفشاري

وكيف لا أره موضوعاً خونفشارياً خورافياً وأنا من محبي.عشاق.مدمني.مجانين..القراءة

تشكرين على هذا الموضوع

خلونا اللحين في المهم...واقولكم عن شنو أقرأ والي أحب أقرأ

طبعاً أنا من مخابيل الكاتب ياسر حارب وأي كتاب يصدر له أحاول أحصل عليه طبعاً للأسف دار النشر الي يتعامل وياها حالياً للأسف توزع كتبة في الكويت,البحرين,الأمارات
طبعاً كلامي موثوق لأني زنيت عليه في تويتر لحد ما أشفق علي
وطرت للبحرين اشتري له كتاب ألي هو على لسان الطائر الأزرق في المكتبة الوطنيه لكن للأسف لقيت الكميه خلصت
ورحت ابكي في تويتر وقالوا إن شالله يوفرونه من جديد
وللحين مارحت البحرين
مع إن الكتاب موجود في الاب ستور بس مابي ماحب أقرأ إلا من كتاب أمسكه بيدي وأضمه لصدري وأكتب عليه تعليقاتي وخربشاتي وإذا أشتقت له بس افتح الدرج وأقرأ
له كتاب متوافر بسعوديه متوفر في مكتبه جرير هو بيكاسو وستار بكس كتاب لطيف وخفيف



ياسر حارب

بعد في الاب ستور له تطبيق يضم مقالاته كلها من بدايته في 2008 إلى 2013
وإن شالله بقرأهم كلهم
وله روايه رومانسيه جايه بطريق بعد
أذكر حتى إنقطع في تويتر من كتابة مقالاته عشان شوي يفضي الجو حق الرومنسيه
كاتب لطيف وحبوب واحس اسلوبه مقارب لأاسلوبي عشان كذا احب اتابع كل جديده واستمتع حيل ببرنامجه ماقل ودل على قناة دبي برمضان
أنصحكم فيه

طبعاً المفروض يكون كلامي هذا في البداية بس ماقدرت أكبح شعوري وتكلمت عن ياسر بسرعه

لكل المبتدئين والراغبين في القراءة يبدؤون بكتب خفيفه ولطيفه,,وقبل كل شي يشوفون وين ميولهم فيه...ومن ثم يبدؤن بلكتب الأكثر رواجاً ونجاحاً ومع وقتنا الحال مب صعبه على الواحد يلقى كتب مناسبه لرغباته وميوله فاتويتر والفيس بوك في حسابات مميزه تقدم هالشغلات
مثل حساب اصدقاء القراءة بتويتر ..وحساب احصل على كتابك بلفيس بوك

اللحين الكتب الي قرأتها وأعجبتني...
أصلاً كل الكتب إلي قرأتها عاجبتني لأني دقيقه بختياري

أقصوصة الزهايمر للمبدع الراحل غازي القصيبي وأنصح وبشده بعد قراءة كتابه حياة في الإدارة كتاب جميل جداً حسيته ممل من العنوانه يعني وين الحلو بسوالف عن الأدارة لكن أسلوب الكاتب جداً جداً جداً جداً رااااائع وماعندي مانع لو أعيد القراءة لأن أسلوبه ممتع جداً وخلوط بشيء من الكوميديا بعد

جميل جداً انصحه لكم

بغض النظر عن الروايات العالميه مثل روايات اغاثا كرستي و أسكندر توماس وغيرهم
واللحين أحاول أخلص كتاب العادات السبع لناس الأكثر فعاليه ..قميل قداً

وعقبها أحاول احصل على بعض كتب ياسر حارب و دان براون

أعولي اقدر احصل عليهم

عذراً على الرد المتواضع والمتأخر بعد بس شسوي أنشغلت بلجامعه وغير كذا مستعجله وانا اكتب خواتي لبسوا عباياتهم وخلصوا ونا باقي على لاب توب

كل الود والتوفيق لكم يا أعزائي

Maha