ملتقى طلاب وطالبات جامعة الملك فيصل,جامعة الدمام - عرض مشاركة واحدة

lo0lla · 2013- 4- 7

اقتباس:

المشاركة الأصلية كتبت بواسطة العضيد1

لو ما حلينا نصف الأسئلة، فلن ينجح أحد أو ينجح بعض الطلبة من نوعية غرور أنثى وحلم المشاعر وجاكلي على الحفة.
ننسحب من الجامعة ونخليها للنجار يتهنا فيها.

وشوله هالحكي ماراح ينجح الا فلان وعلان بالاسم .. اذكر الله يالعضيد على اخواننا يكفي انهم يتعبون عشان يفيدونا
الاخت تقولكم فيني صداع ومدري ايش ... يااخي (كلكم نظالون الا المشائون) اذكر الله عليهم

وهنا بموضوعكم هذا في احد الردود وحده قالت عطانا ورقه فيها كل القوانين عشان الوقت
واطلعت على مواضيع في الارشيف عن اسئلة العام كلهم مبسوطين منها... يعني ماقصر الدكتور !!... ماله داعي تخربها مع الدكتور اذا الماده صعبه وانت ماتستوعب !! ماهي مشكلته تترك له الجامعه!!

انا في نظري ان شرحه جميل جدا ويحل بدقه متناهيه ماعمري شفت مدرسينا يحلون معنا كذا بهالامانه

اللوم يقع على التناحه اللي انتم عايشين فيها يالشعب السعودي شعب يبي شهاده بالساهل

انت تدرس جامعه وتبي شهادة بكالوريوس مو جايين نحط اللوم على احد مابيننا وبين الدكاتره اي معرفه فمافيه مجال للحقد ولهالحكي الفاضي ...

وهذي المواد إلزاميه في اي جامعه واي تخصص ولازم تدرسها

طيب انت ماتابعت الشرح ؟؟؟ عشان تلومه !!
موضوعك هذا من ثلاث اسابيع او اكثر .. واحنا تونا درسنا المئيني على سبيل المثال ...
طيب كيف بتفهمه وانت تقراها من الملخصات ..

اخوي اذا تبي نصيحتي تابع المحاضره ووقف وعيد عند النقطه اللي مافهمتها وارجع من بكره وشوفها بتلقاها واااااضحه ومفهومه وراح تتقبل الماده وراح تعديها
المسائل الحسابيه تعتمد على الفهم ثم الفهم ثم الفهم ثم التطبيق والتطبيق وحفظ القوانين ومعرفة وقت استخدامها

القوانين سهله وكلها قريبه من بعض افهم الهدف من كل قانون يكفي ان الجامعه بتعطينا القوانين بورقه قدامنا

والاجابات انت تختارها بس ..انتم شدو حيلكم
وركزو على اصعب المواد واهتمو فيها اكثر شي والله لتجيبون فيها اعلى الدرجات ولاتلومون فلان وعلان