سعيد بن مآنع ~ على فكرهـ !!
القصيده لهآ وقعها الخاص عندي فحبيت تشاركوني ماراق لي
أترككم من القصيده ...!!
***
http://www.youtube.com/watch?v=W9tZR...ture=endscreen
فراق ؟ بسم الله الرحمن من ذكره
تكفى دخيلك لا عاد تجيب ذآ الطاري
فوقتني يوم قلته من حلاالسكره
ضيعتهاسكرتي ياسكرة أنظاري
ياأمس عمري ويا يومي ويا بكره
فراقك اصعب علي من يوم مقباري
اشتاق لك وانت قدامي على فكره
يعني تصّور بغيباتك وش أخباري..!!
ملامح السعد قبل أعرفك منكّره
واستوضحت يوم شفتك يابعد داري
أبواب قلبي على من الضيفآن منسكره
وأعذاري انك هنا.. يامسمن اعذاري
ياعين حرٍ نداوي معتلي وكره
ياجملةٍ ما تعب تكرارها القاري
يزين فيك البحر والقاف والفكره
لولاك ماشفت حيٍ يطرق أشعاري
جاورت روحي.. وقلبي صرت محتكره
والقلب قلبك وخذ راحتك ياجاري
سلمتك رشا الهوى والدلو والبكره
وانا لك البير وأغرف كامل اسراري
وان كانك تسوقلي من الغلا بكره ؟
قد سقت لك من صميم الخافق أبكاري
سويت فيني جميل أعجز على شكره
علمتني ان الليالي متعة الساري
وعلمتني كيف أحب وكيف ما أكره
وان التفائل يلبس حظي العاري
إلابقى شي يا الغالي : على فكره!
ترى حياتي بدونك مالها طآري
حآولت أنزّلهآ قصيده بس مآلقيت الآ معهآ ميوزك وأخترتهآ شيله
يآرب تروق لكم 
التعديل الأخير تم بواسطة نبض الوجود ; 2013- 4- 7 الساعة 10:42 PM
|