ملتقى طلاب وطالبات جامعة الملك فيصل,جامعة الدمام - عرض مشاركة واحدة - [شآمل] ..لكل مايخص الاختبارات النهائيه وطريقة الاسئله والمذآكرهه ..

ريمنقو · #1 2013- 4- 8

بسم الله الرحمنَ الرحيمَ ..
السلآم عليكم ورحمةة الله وبركإتههَ ..

::

جاءت استفسارات كثيره حول موعد الاختبارات وطريقة الاسئله والجدآول ..
آولآ : موعد الاختبآرآت
حسب الجدول الزمني الموجود في الموقع 1/7 ..
//

ثإنيآ : الجدول
الى الان مانزل .. اكيد اذا نزل راح يعطوننآ خبر ..
وايام الاختبارات مافيها آوف وبيكون كل اختبار في يوم لحاله زي السمستر الاول

//

ثآلثآ :طريقة الاسئله . .
نبدأ بمادة انقلش قرآءه ..
طريقة الاسئله متنوعه بين مقالي وموضوعي ..
طبعا الموضوعي اكثر من المقآلي ..
بتجيب قطعه خآرجيه وتسرد تحتها اسئله متنوعه عن القطعهَ ..
وانصح كم بمذاكرة الكتاب افضل وحفظ الكلمات جيدآ ..
حسب رأيي النجاح والرسوب يتوقف على حفظ الكلمآتَ ..
بما انكم حافظين الكلمات وعارفين معانيها راح تقدرون تحلونَ ..
الاسئله الموضوعيه تجيب جمل وفراغات وتحط كلمات وتختارون اي كلمه مناسبه للجملهَ ..
او تحط كلمه وتختارون تعريفها او العكس ..

::

مادة انقلش كتابه ..
طبعإ فيه كتابة موضوع اظن عليه 20 درجه .. (حاولوا تخلونها تحدد لكم مواضيع )
وباقي الاسئله موضوعيه وتصحيح جمل .. وكذآ
هذي المادهه ركزوآ على القرآمرز (القاعدات) , اللي بيفهم القاعدات راح يحل زينَ
وانصحكم تذاكرون من المحاضراتَ ..

::

مادة النحو ..
ماتذكر بالضبط طريقة الاسئله لكن فيه مقاليهه ..
والحمدلله عديت هالمادهه حسبت اني برسب فيهآ
اوصيككممم بالحرص عليها ومذاكرتها زين لان د. نرجس بهذلتني بالنهائيَ
كانت اسئلتها صعبهَ
انا ذاكرت من المحاضرات + اليتيوبَ

::
مادة الاحصاء ..
فيه موضوعيه تشمل ( حسابات + تعريفآت ..والخ)
والمقاليه مسائل + رسم اعمده بيآنيه ..
عندكم مسائل اللي تطلعون التكرار ثم التكرار النسبي ثم والخ |..
الجداول اللي فيها x , xi << هذي جات ان شاء الله فهمتوا قصدي
اللي بيحفظ القوانين صح وطريقة الحل ان شاء الله ماراح ينزل عن بي بلس ..
بصرآحه عجبتني المآدههَ

::
التذوق الادبي ..
اغلبه مقالي .. وحاولوا تعطيكم نموذج ع الاسئلههَ النهائيه
ماتذكر كيف كانت الاسئله بس من ضمن الاسئله شرح بسيط للابيات
و اختيار عنوان للابيآتَ ..

::
برامج الحاسب المكتبيه ..
اغلبه كان موضوعي .. وفيه مقالي
واذكر فيه سؤال جايبه اختصارات وتقول وش فآيدتها حقت وش
ماتذكره بالضبط ..
المذاكرهه من المحاضرات دام اللي تدرسكم د. حنان الفرجَ ..

::
التلاوه والتجويد ..
تسميع وتلاوه بالجامعه ..
كل اللي عليكم تحفظون السور زينَ ..
وتعرفون الاحكام التجويديهه [ادغام , اقلاب , اظهار .. والخ, واحكامم الميم والنون السآكنه ] ..
الاختبار طبعآ من الساعه 12 الى 5 ..
عندكم كذا استآذه تسمع لكم وقدامها اوراق مكتوب فيها سوره تلاوه وسورة غيب [ او يمكن سورتين تلاوه وسورتين غيب] << نآسيه بالضبط
تختارون ورقة وتبدون تسمعون ,, وتقدرون تغيرون الورقه لكن تغيير الورقة تنقص درجتين

::
القراءه والمحادثه ..
هالماده مثثل طريقة التلاوه والتجويد ..
الاختبار من 12 الى 5
عندكم كم استاذه تشرف عليكم وتسأل وكذا
فيه كتابين راح تختارون واحد وتقرون بالحركآتَ ..
طبعآ الكتآب مافيه حركآتَ ..

[ ذاك اليوم نكته والله .. دخلت اختبر وقالت لي اختاري كتآب , اخترت وحي القلم
قالت تصفحي واختآري مووضوع تقرينه واخترت وبدأت بالقراءه , ثم قالت اعيدي القراءه بالحركآت
ابتلشت هآه؟ وش حركآتهه !! طيب طيب .. جاءوا انسدحوا حقتهو هههههههههه
كل شي كان بالضمه هههههه حتى عند النقطه ضمهَ ]

سألتني عن الماده قالت وش اخذتي قولي لي عناوين ؟
قلت لها القراءه الصامته والقراءه الجهريه وقعدت اعدد لها ..
يعني اسئله بسيطهه مافيها اي صعوبههَ ..
هذي الماده مجرد قرأتها قراءه سريعه بدون ماخذ التفاصيل

//
مآدة مهارات التعلم للاسف ماتذكر فيها شي لانها مقرره بمستوى اول ..
وتغير الدكتوره وتغير كل شي فالمعذره ماقدر اعطيكم كلام ماهو موثوق فيهَ

تنويهه : الاسئله اكيد رآح تتغير بس انا قلت لكم كمثآل لاحد يعتمد ع اللي قلته
مثل سؤال الاحصاء وسؤال التذوق وغيرهه كل اللي اقولهه امثله

اي سؤال او استفسار عن الاختبارات انا هنآ للآجإبهَ ..
الله يوفقكم ويكتب لكم الخير اينمآ كنتمَ