ملتقى طلاب وطالبات جامعة الملك فيصل,جامعة الدمام - عرض مشاركة واحدة

صَعب · 2013- 4- 8

اقتباس:

المشاركة الأصلية كتبت بواسطة zainah er

السلام عليكم
امممم مدري من وين ابدا بس حبيت اشكر الكل بصراحه ما تقصرون
اللي لخص واللي يشرح واللي يحل الواجبات
بصراحه ما عندي وقت ولا اتمنى افيدكم ولو بشي بسيط
بس ما راح انساكم من الدعاء ربي يوفقكم ويحققلكم اللي تتمنونه

على العموم اشكر الكل وبالاخص (امجاد ونصرون واثوره )على تلخيصهم للاقتصاد والاداره بصراحه شي يفتح النفس وتنسيق وترتيب مو أي كلام
انا شريت ملخصات العام وفيها مشكله كبيره مو مسأله ناقصه او غيرها .. بصراحه ما تفتح النفس الواحد يذاكرها يعني حتى لو ذاكرت منها احس ما بيثبت براسي ..

وحابه اشكر اللي يشرحون منهم صعب انساك بصراحه أي سوال يخطر ببالي ادخل تجمع المحاسبه والقاه مشروح او موضح طريقه الحل ..

وطبعا ما انسى الباقي هاشميه ومريم وساميه وحروف انثويه وصاحب السعاده وغيرهم مشكورين جميعا ..

* بالاخير حبيت اطرح فكره الملخصات اللي تنزلونها بتفيد كثير بس بعض الطلاب ما يدخلون الملتقى من الاساس فلو ترسلونها بريد عشان اللي ماعنده فكره عن الملتقى تكونون سويتوا خير لهم ..

اللّہ يسعدك زينة ويجزاك خير علۍ الدعاء .. ولا ننسا نوتيلا و ريم في التلخيص وعزيزة جهودها واضحه في القسم الله يسعدهم جميع ويوفقهم ويجزاهم خير ، نتمنى من الجميع المشاركة في الحقيقه ولكن كل واحد وظروفه ،

كل شخص يقدر يقدم شي لنفسه ولغيرة نتمنى انه يحط يده بيدنا وربنا راح يسهلها علينا بفضله وكرمة ..

بالنسبه للملخصات في اعتقادي الشخصي إنه بدل ما تترسل ع البريد ويكون الموضوع مجهد من ناحية عدد المرفقات وتحميلها نكتفي بإرسال رابط الموضوع الخاص بالتلخيصات ع البريد الجامعي منها نكسب أعضاء جدد ويزيد عدد الناس اللي تتعاون مع بعضها واللي ما يبي يحملها هو عاد ...