مره وانا طالع من بيتنا بعد مطرتقريبا بعد صلاة العشاء السالفه هذي قبل عشر سنوات قديمة تعرف الشوارع تمتلي مويه ويركبون مواطير شفط الله يعزكم ومتعود اطلع امشي برنامج يومي ماااعقتني الامطار شفت شلون العزيمة والاصرار لاوالله مو هذي السالفه المهم وانا امشي على الرصيف مريت من عند عامل مفترش كرتون ونايم ورب البيت يشخر والسيارات واصوات الازعاج ورغم كل هذا غارق في النوم وانا اجلس احيانا على سريري ساعتين اتقلب وتحت المكيف ولايجيني النوم طبعا هو جالس قريب من الماطور يعمل عليه او انه حارس عليه ومره وانا طالع صلاة العصر طبعا صلاة العصر يأذن الساعه 2.40 دقيقه بشرقيه عز الحر واحصل عمال النظافه والبلدية ينظفون الشارع ويمزحون مع بعض ضحك ووناسه وانا ممكن من الطفش والحر لو واحد قالي السلام عليكم تهاوشت معه مالكم في الطويله الزبده من هالسالفتين كن جميلا ترى الوجود جميلا وبقولك ياهتان ان الحياة حلوه والحمد لله والشكر والامتنان احنا بنعمة اكيد انه يمر على الانسان ظروف ومشاكل لكن هذي الدنيا لازم نقبلها بحلوها ومرها واحنا افضل من غيرنا بكثير ناس تتغرب وتجلس عن اهلها عشرات السنين مايرحون غير كل سنتين ثلاث مره واحده يكبرون عيالهم ويتخرجون ويتزوجون وهم بعيد عنهم وعايشين وتلاقيهم يبتسمون ويضحكون بيننا ولمن تعرف قصصهم انت نفسك ممكن يومين ماتنام ياهتان وانا اخوك وربي ياظروفك هذي ماتذكر ماتسمى ظروف امور حياتيه طبيعيه روتينيه لسى الدنيا قدامك ولسى ماشفت شي