|
رد: تنبيه تنبيه تنبيه من دكتور الصحه واللياقه اليوم
طيب في حل 
- للي يبون امتياز او اعلى من درجة النجاح - لان المواد ذا المستوى تعتبر سهله ليش اضيع معدلي في ماده عشان ابي انجح وبس ومواد التخصص قدامي عشان اغوص فيها و انقص وافهم وما افهم 
لا في ناس ما يبون ينجحون وبس ويبون معدل ينبسطون عليه ويبرد قلبهم في الترم وال8 مواد ككل 
اللي فهمته بما ان ابو موزه المحتوى نسخ لصق وشرحه الغثه .. والملزمه حقته فيها اشياء زياده وفيها اشياء ما قالها في المحتوى او الشرح
نحاول نكون وسطيين .. نذاكر ابو موزه ونناظر ملزمته والزايد نحدد عليه ونذاكرها طبعا مو نجحد ..لان صعبه نذاكر قرابة 300 صفحه واخرتها نجاح اي كلام وهو قايله لنا بلسانه  بتحسف هذا غير اني يمكن ما اجاوب كويس بعد لاسمح الله في الاختبار من ملزمته او غيرها واحملها بعد موب بس انجح 
يعني اللي موجود في ملزمته ومو موجود في ابو موزه نذاكره .. يعني غيرنا يحفظ 400 صفحه و 500 وعادي عندهم
بس اما اني اضيع نفسي من اولها .. كذا الدكاتره فلسفه على الفاضي وكرف..ومافي هدف بدون جهد وتعب وانا ماقلت نحفظ ال400 .. حتى اصلا ملزمة الدكتور بدون صور ولو خط زي الناس والعالم والتمطيط ذا يفكنا منه بتطلع يمكن 100 صفحه .. بس مو سالفة صفحات العلم بالمعلومات اللي جوه ..
للدوافير فقط وقولوا ماشاء الله علينا .. اما اللي يبي ترقيه ويبي يدف نفسه بس وياخذ الشهاده واللي يبي يطلع مستوى ثاني وثالث هذا كيفه .. انا اتكلم عن اللي يبغى يحافظ على معدله .. والتفوق والامتياز مو هبال .. هذا طموح ومستقبل وماعمر الامتياز والتفوق يجي بالساهل والتطنيش والجحيد..
ترا انا بعد عندي اداره توني فاتحتها وتقنيه معلومات مافتحتها والصحه مافتحتها .. وواصله بالمواد الثانيه المحاضره الخامسه والسادسه والسابعه وهيك .. يعني انا بعد زيكم مضغوطه وموب كلام اللي مذاكر وماوراه شي ومتزوجه بعد وبيت ورجال وحاله .. بس هو ذا الشهر نشد حيلنا فيه ونفتك
الزبده ناخذ الملزمه الاعم والاشمل واللي فيها اغلب شي من الاثنين السالفه موب سالفة ابو موزه والا الدكتور .. السالفه سالفة المعلومات اللي فيها نحاول ناخذ اكبر قدر ممكن من الاثنتين على اساس ان ابو موزه محتوى وملزمة الدكتور اللي صجنا فيها
وسلامتكم وبالتوفيق وتعوذوا من ابليس ووسعوا صدوركم وان شاء الله تتيسر وتتسهل وتكون مذاكرتها اسهل ماده ي رررب
|