|
صوته صدى تغريد طيرٍ يغنيــــه
يالبى قـلبه/ كل ما قــال|لبــيه|
..............ويالبى صـــوته/ كل ما قال :لي هــاهـ
بالحالتين ان ترجمت شفته / إيـه
..............أضـــيع مـن كلي وادورنــي ما القـاه
يشل عقلي كل ما جيت أحاكيــه
..............وأنسى أني أصلاً/ كنت في شي أبغاه
أذوب في حرفه وصوته يحليــه
.................واللي يجنـــني إذا حـــرّك إشـــــفاه
وتعانقت من نشوة الشوق/ والتيه
................. وش حيلتي غير التناهيـــــــد والآهـ
يضماه سمعي وانتظر لين يرويه
................ والمشكله حتى وهو يمـــي أضمـــاهـ
حُبه مثل | طـيرٍ|يبي بيت يأويــــــه
.............. وانا ادري انه داخل القلب مــأوآه
وحده بقلبي دوم محدٍ يســـاويه
.............. وانا بقلبه طول هالعـــــمر أمــلاه
الشوق محدٍ غير صوته يداويه
.............. ويجــذ نار الغيض فيني من اقصاهـ
صوته مطـر في جيته/ في تجليــه
.............. تطفي عذوبة قطرته شوق مضناه
صوته صدى تغريد طيرٍ يغنيــــه
.............. صوته نسيم الصبح في طلعة إضياهـ
صوته نغــم تطربني رقة اغانيه
.............. صوته عليه أدمنت ودواي من داهـ
صوته هدير الموج لامر شاطيه
.............. وانا بشوقي كل ماالريــــــح وداهـ
يذهل شعوره مسمعي كل مدعيه
.............. كـني على ضفة بحــر يحتري مــاهـ
أرقب طيوفه كل ما زارني فيــه
.............. ويدق قلبــــي كل ما مر طريــــــاهـ
وان حظّني وقتي بشوفه اداريه
.............. عن كل مخلوقٍ يضرهـ وانا معـــاهـ
ما ودي حتى الشوك تلمس برجليه
.............. واغار من نسمه/ تداعب محيــــاهـ
والود ودي وسط عيني أخلـــيه
.............. والحفـه رمشي وبالعين أدفـــــاهـ
واضمه بصدري وألمه واراعيه
.............. واقبله من هامتهلين ما طـــــاهـ
يعيش بي حلمٍ سرقنيبيديــه
.............. واعيش به واقع مَلك كل ما جاهـ
لين أوصل بشوقي لحده واناديه
.............. واحاول القاني وانا ضايع ويــــاهـ
ويرد لي من رقة إشفاه | لبيه |
.............. واضيع من ثاني /وانا اقول له |هاهـ..!|
|