ملتقى طلاب وطالبات جامعة الملك فيصل,جامعة الدمام - عرض مشاركة واحدة - تنبيه تنبيه تنبيه من دكتور الصحه واللياقه اليوم

ملامح صبا · 2013- 4- 10

اقتباس:

المشاركة الأصلية كتبت بواسطة can do it

بقولكم شغله وبعطيمك حل للحيره اللي حطيتوا نفسكم فيها ,
انا بدأت المذاكره من ملزمه ابو موزه على اساس ماكان فيها ملزمه للدكتور ,,
المهم اني تقريبا ذاكرت منها ست محاضرات ,
لما صار فيه اختصار لملزمه الدكتور اللي هي حق الشايب , ذاكرت منها
المحاضرات 12 و 13 و 14 , المهم ان نص الكلام الموجود بالمحاضرات الاخير هذه
ماتتذاكر , مجرد سواالف تعتبر ثقافه عامه للي يبي يتثقف مو يذاكر .. وهذه وهي مختصره ..
فما بالكم بملزمه الدكتور ابو 300 صفحه , وش نوع الحشو اللي بيكون فيها ..؟

ثانيا :
الملزمه حق ابو موزه اصلا كثيره ويادوبك تذاكرونها عالسريع , ومع المراجعه للتأكيد والتركيز
تاخذ وقت والله , فما بالكم بملزمه الدكتور ..؟
اللي يبي يذاكر ملزمه الدكتور لو يذاكر من اليوم ليوم الاختبار مو خالص منها ..
ومع المراجعه الظاهر بنختبر وهو تلسه يذاكر ..

نجي للحل واللي راح اطبقه انا بإذن الله ..
راح اذاكر من ملزمه ابو موزه واسئله الاختبارات , اذا خلصت هالاثنين ..
بفتح ملزمه الدكتور بشطب الاشياء اللي ذاكرتها عالسريع وبشوف وش اللي ماذاكرته وش ..
هل هو مهم او لا .. يعني اخر شي ملزمه الدكتور ..

خذو المختصر المفيد الأكيد , وابدأو بالتوسع بعدين لأن اصلا مافيه وقت الواحد يفكر ويحتار ,,

يعني ملزمه الدكتور كم بيجي منها سؤال , زياده عن ملزمه ابو موزه ..؟
ووش نوع هالسؤال اللي بيجي من المحتوى ومو موجود بملزمه الدكتور ,,؟
ووش نوع السؤال اللي بيجي من ملزمه الدكتور مو موجود بملزمه ابو موزه .. ؟

صحيح قال إن الاسئله سيده ومافيها لف ودوران ,,
لكن هو نفسه الدكتور قاعد يلف ويدور ..

هذه النوعيه من الدكاتره يبي الطالب يجتهد , واحنا ماقلنا شي ,
لكن مو بالطريقه هذه .. غير كذا المفروض هو يجتهد بعد ويعطينا اسأله من
الشرح اللي قاله مو شي ماقاله يجيبه أسأله ..

أعجبكم الحل ..؟

أنا كنت ناوية بيني وبين نفسي إني أسوي هالحل
فبإذن الله راح اذاكر ملزمة أبو موزة وبعد كذا أسئلة الاختبارات والكويزات وطبعا أشوف المحاضرات

مادة الصحة واللياقة طويلة وكلامها كثير لكن تظل مادة واضحة وفيها معلومات وأشياء نعرفها من حياتنا ومن دراستنا في الثانوية
فالسؤال اللي راح نتفاجأ فيه ممكن نحله بفهمنا

أما المواد اللي بجد تحتاج لشد حيل هي مادة مبادئ الإدارة وخاصة انها مادة جديدة

والمادة اللي تحتاج لشد وجهد وفك طلاس

هي مادة مدخل إلى تقنية المعلومات
يعني هذي المادة لو جا منها سؤال ومو عارفة حله مالك اللي شختت بختت
ما تقدر تفهم السؤال وتحلله

لانها مادة حفظ في حفظ