2013- 4- 11
|
 |
متميزة بملتقى الفنون الأدبية
|
|
|
|
ماجيتك ارجي رجعتك يوم قفيت....
ماجيتك ارجي رجعتك يوم قفيت
ولا جيت ادور بالهوى شي عفته
راح الزمان اللي بقربك تمنيت
احلى العمر من دون مدري سرقته
ماعاد لي بالحب يومك تماديت
درب الشقى الى عذب الروح سبته
قدام عيني بالحـــقايق تعريت
ياليتني ماشفت حالا ن كشفته
ماكنك الا في حياتي توفيت
اسمك وعنوانك ورقمك حذفته
كان الخطا يومي بقلبك تحريت
سود النوايا عن عيوني حجبته
جازيتني من دون ذنب وتجنيت
كاس القهر والمر منك شربته
ياما علشانك حضرت وتعنيت
لبيت لاجلك كل شي ن طلبته
المستحيل الصعب جبته ووفيت
مخلفت عهد ن في حضورك قطعته
كنت الحبيب اللي في حبه تعليت
دورن علينا بالمشاعر لعبته
ما صرت صادق في شعورك وحبيت
يلاسف وشلون قلبي نكبته
هديت صرحك وانهدم باقي البيت
ما ينفعك دمعن لعينك ذرفته
والحين عن دنياي رحت وتواريت
دونك شعور ن بالقصايد كتبته
وما جيت ارجي رجعتك يوم قفيت
رح دور اللي في حياتك عشقته
مما راق لي
|