قبل شوي امي كانت تكلم خالتي وبشرتها خالتي ان طوما انخطبت


بقول لكم قصة خالتي < مافيها تسكت
خالتي كانت متزوجه من واحد متزوج ومعيل وجابت منه عيال وعيالات هههههه
وتطلقت والحمدلله ربي فكها منه وتزوجت واحد ثاني متزوج وكمان جابت منه عيال وعيالات
وصبرت عليه وربي يجزاها جنته على صبرها

الاول والثاني تزوجوا كمان وعيلوا
انتوا شايفين هالخبصه هههههههههههههه

لا جيت اسولف مع بنت خالتي تقول اخت اختي هههههههههههه
المهم ان هالحوسه والعفسه والعيال الكثير
لو تجمعونهم على بعض كونوا امبراطوريه ما شاء الله ههههههه


خالتي ما اعرف كل بناتها وعيالها بالاخص اللي من بعلها الاول
طبينتها توفت بمرض وعيالها صغار فـ ربتهم خالتي وصاروا مثل بناتها

ويعلم الله لما نقابلهم ما نفرق بينهم وبين بنات خالاتي
طوما تصير بنت طبينتها .. جلسنا 9 سنين ما قابلناهم ابد
وبزواج اخوي اخييييييييييييراً شفناهم كانوا وقتها 5 بنات والبقية تلاشوا < يعني تزوجوا

3 بنات خالتي و2 بنات طبينتها
كونا شله صغيره ههههههههه كانت تسمينا خالتي جماعة بلّو
يعني عبيد وحونشيه مجمعين على بعض < هي سبه بس حنا قلبناها مدحه ههههههههه

بعد سنتين تزوجت صوفي ورحوم والسنه اللي بعدها
سمسم وبنفس السنه عسله < كذا تسمي نفسها

وهالسنه انخطبت طوما والله يتمم لها زواجها ياب
قاعده اقول لأمي سبحان الله من 4 سنوات او اقل كنا نسمي نفسنا عوانس
وكانت خالتي تقول متى ينطق بابنا واقلعكم حتى لو مع واحد من هالعبيد
وكانت تقصدنا وتقصد بناتها وبنات طبينتها ههههههههههههههههههههه

والله اتذكر ذيك الايام وكأنها امس مشى الوقت بسرعه وتلاشوا العوانس هههههه
سبحان الله مثل السبحه اذا طلعت اول حبه تطلع الباقي وراها

اللحين خايفه على خالتي من طبينتها الجديده او بالاصح ضرتها
قد سببت لها مشاكل حتى النخاع لدرجه انها عجلت بزواج بناتها بهالسرعه
على بالها بتضرهم مادرت انهم تزوجوا خيرة الشباب

اقول لأمي اول البنات يوقفون بوجهها واللحين مين بيدافع عن خالتي
وامي تقول ما عليها خلاف مابعد عرفتي خالتك عدل .. هي ماكانت تتكلم
لانها ما كانت تبي تسبب لبناتها مشاكل بس ياليتها تكلمت

الله يكفيها شرها بس

كانت خالتي مصابه بالخبيث بالأرحام وسوت عملية واستأصلوا رحمها
وطلبوا يعطونها كيماوي بعد العملية بس رفضت خالتي وبششششدة
والحمدلله تشافت من الخبيث الا انه الدكتور قال لها
%90 راح يرجع لك بعد 4 او 5 سنوات اشد من أول وممكن يتلف عليك وضائف كثيره
تخيلوا ضرتها كانت تدعي عليها ما تتشافى ويا شماتتي فيها يوم تشافت خالتي

وانقضت سنتين او 3 سنوات من فتره علاج خالتي لو رجع لها لاقدر الله مين بيقوم فيها
زوجات عيالها مابيقصرون بس المشكله كل وحده بديره