|
رد: لو الدلع يكتب كـتب بـ إسم { نصرون } ..!
يوم الاربعاء ابوي كان مسلّم < يعني ما عنده دوام بلغة العسكر 
فـ قالت له امي ابي المستشفى وطبعاً رحت معها لأني ما ابي اقعد بروحي
خفت تتأخر امي وتقول سوي الغدا هههههههههههههههه < تكره المطبخ 
المهم اني رحت وطول الطريق وامي تقول قدمي بطاقتك أقول لها وش اشكي منه اذا قدمتها
طلعت كل اللي شكيت منه بحياتي هههههههههههه < نادراً ما اروح المستشفى
ويوم وصلنا قال ابوي هات بطاقتك انتي على ابواب اختبارات اشكي من الصداع اللي يجيك 
ورضيت بالأمر الواقع .. طبعاً عند بوابة القاعده سأل العسكري ابوي انت متقاعد ولا على راس العمل
يا اني استلمته شماته لين وصلنا هههههههههههههه وهو يقول لي معليه والله لأصبغها هالشيبات 
دخلت عند الدكتوره وشكيت لها من الصداع والام الرأس الغريبه وشرحت لها
طبعاً سألت عن شغلات كثير ومن ضمنها انتي بنت ولامتزوجه < مدري شدخل الصداع 
وقالت هي وحده من الثنتين يا عندك فقر دم حاد أو مشاكل بالنظر
قلت لها وانا صغيرة كان عندي فقر دم واعطوني حبوب فيتامين استمر عليها شهر وبعدين اراجعهم واهملت
جلست تناظرني كذا  وقلت لها انه عندي مشاكل بالنظر من زمان
واللي جلطها ان الألام الغريبه و الصداع ملازمني من اكثر من 5 سنوات ولا قد فحصت ههههههههههه
حسيتها فجأه بتجلطني أعطتني ورقة تحويل للعيون و ورقة تحليل دم وبعدين سألتني من متى عندك مشاكل بالنظر
قلت يوم كان عمري 5 سنين ولبست النظاره بسن 6 سنوات وتركتها بسن 8 سنوات قالت بدون استشارة طبيب قلت لها ايه
ضربت على الطاولة قالت عرفنا وش هي مشكلتك حسيتها فجأه بتسحب مني ورقة التحليل هههههههههههههههه
ويوم طلعت من عند الدكتورة قلت لأمي وحده من الثنتين يا اسوي تحليل دم يا اروح افحص عيوني الثنتين لا
وجلسنا نتناقر طول الطريق وسويت تحليل دم ومابعد طلعت النتيجه <بس واثقه بإذن الله انها سليمة
وكالعاده مشيت اللي براسي وخبيت ورقة التحويل بس وعدت امي اخفف القعده قدام الشاشات
لين يخف الصداع على الاقل . بالاخص الصداع النصفي هذا جلطة من النوع الثقيل 
بس أحسها متأمره علي مع ابوي وبيمقلبوني ويفحصون عيوني غصبن علي 
|