النظام تبع الجامعة وعذراً على كلامي غبي جداً
أقصد نظام البيبل سوفت
لما نجي نسجل المواد مايسجلها لنا ولا يقول مادرستِ المتطلب وأنا درسته ونجحت فيه
وكمان صديقتي حذفوا لها في البداية درجة الفيزياء وبعدين حذفوا لها المادة بأكملها من تاريخ المقررات
وصار لها سنة وراهم وكان عندها أثبات طبعته وطلبوا أكثر من نسخة وضيعوا النسخ كلها
وكمان فيه بنت تقول جيت أسجل مادة مارضى النظام يسجلها ولما رحت لهم
قالوا لي كيف تسجلين مادة أنتِ درستيها ونجحتِ فيها
وكمان عن نفسي أنا رحت وسألت عن التحويل الداخلي
وأنا محولة داخلي وقالوا لي مسموح مرة وحدة بس
بس لأن الموظفة جداً راقية في تعاملها أتصلت على الدكتور المسؤول عن التحويل
تدرون وش قال لها ؟؟
قال لها الطالبة وحظها لأن النظام دايم خربان
وفيه دكتورة كمان قال النظام هو الي يمشينا
ودا النظام ينجح بنات راسبات ويرسب بنات ناجحات
يقبل إضافة مواد ومايقبل إضافة
يعني من جد شي يقهر
ولما رحت لهم على شان يحلون المشكلة
قالوا لي سوي طلب وأنا مسوية طلب من أسبوع وماجاني شي
وماانحلت المشكلة وكمان وأنا عندهم جت وحدة وقالت بنت ماتسجلت معاها مادة وكدا
وكانت مشكلتها في التسجيل أصعب بكثير من مشكلتي
ومع ذلك قالت لها ولايهمك المشكلة راح تنحل وراح أتصل لك الساعة وحدة
ياربي وش دا حتى في تسجيل المواد واسطة
يارب صبرني
وشكراً