إن جيت اقرّب قالت الروح ياهـوه ..
وإن قلت أببعد تشِّب نار اشتياقـي
شوقٍ حقيقي والعشاق شافـوه ..
من سبته سهـران ليلـي وباقـي
خـلٍ تركنـي بيـن هاتـه وردوه ..
ميدان خيل ولايجـي بـه سباقـي
انساه لكـن لا قبَّـل الليـل جابـوه ..
في حلةٍ تزهـا النحـر والعناقـي
ما ازين خيالـه فالمنصـات حلّـوه ..
يرقا بزينـه فـوق كـل المراقـي
طاف بمنامي والهواجيـس زفـوه ..
يمشي على الاقدام مشي انسياقـي
مشية فخر وليا نظـر فـيّ حيّـوه ..
نظرة عتاب وحب ليـش الفراقـي
قلت الفراق المر مركـب وقـادوه ..
للي كره قربـي وعـاف اعتناقـي
انا ادري انك نور والنـاس طفّـوه ..
ومصير نور النـاس للاحتراقـي
وانا ادري انك موج والناس غاصوه ..
ولابـد ما يلقـون فيـك الغراقـي
وانا ادري انك كيك حلوى وقاتـوه ..
نادر من الاسواق حلـو المذاقـي
وعقب الخيال الحلم روّح وصانـوه ..
في رسمته ترضى النفوس الضياقي