|
ملخص ابو موزه للمحاسبه 252صفحه !!!!!
هلا اخواني
اليوم رحت اطبع كل الملخصات وكانت كلها معقوله و طبيعيه الرياضيات 71صفحه لعبود
و الاقتصاد حدود 60 صفحه و الاداره حدود 60 صفحه تقريبا و القانون 37 صفحه
كل شي الى هنا طبيعي
و فجئه يوم يجي الرجال و يدبسها قلتله خلاص وانا بكامل ابتسامتي على اساس انها قليله
وكانت ابتسامتي قريبه من هذا الفيس  قلتله خلاص كم حسابك
ناظرني الرجال حق المطبعه و في عيونه ابتسامه وكانه يقول تحسب انك خلصت
وفجئه و بدون مقدمات يطلعلي مخطوطه كامله او نقدر نقول كتابه عن تاريخ جميع المخلوقات البشريه طلعلي طلعلي مجموعة اوراق كانها مدونه كامله قلت وش هذي قالي هذي حقتك
قلتله لا انت غلطان انا حقتي ملخصات مو هذا هذا اكيد كتاب واحد قالي لا متأكد اقراء ويوم يوريني اول صفحه الا يطلع مكتوب محاسبه !!! قلتله اش هذا قالي هذا ملخصك
انا ما عرفت وش اقوله اول سؤال جاني قلتله كم صفحه قالي 252 صفحه قلتله اوكي برسب
عموما استأجرت عربيه من المحل علشان اشيل الملخص لانه ثقيل 252صفحه هذا وش يشيله
المهم ركبت السياره و اطلع الملخص من الكيس واجلس اقلب فيه اشوف وش داخله
ولقيته كله نقاط و اشياء كثيره
و نفس الشي يوم رجعت البيت لقيته كله مليان معلومات و دخلت هنا المنتدى لقيت الاعضاء كاتبين ان ملخص ابو موزه شامل كل شي يا اخوان هذا مو شامل كل شي هذا الكتاب بنفسه هذى مجموعة كتب
المطلوب الان ابي ملخص زي العالم لان هذا اسمه منهج مو ملخص وبعدين انا بجلس ادرس ولا بجلس اقراء روايه فـ هل يوجد ملخص للكائنات البشريه للأوادم غير هذا الملخص الي عباره عن مناهج مو ملخص
في انتظاركم 
التعديل الأخير تم بواسطة mr.msm ; 2013- 4- 15 الساعة 11:16 PM
|