أسف أنا في حبي لك تسرعت
ضنيت ألاقي فيك شي فقدته
كنت أحسبك مجروح مثلي تولعت
جربت فرقى شخص قلبك وهبته
كنت أحسبك من مر جرحك تجرعت
حبيت فيك احساس طفل لمحته
لو قلت آآه بوسط روحي توجعت
ولو شفت دمعاتك شعوري سكبته
ولو تطلب عيوني ابد ماتمنعت
واعطيك قلبي لو بعد ماطلبته
وصلت بك ... أعلى مكان وتربعت
وفي قلب غيري ياالغضي ما وصلته
واصبر على صدك وأشوف تدلعت
وأعطيك ود وما أظنك حسبته
أذهلتني بطباعك اللي تطبعت
حتى قصيدي فيك أبد مافهمته
لو كان غاياتك حروفي فأنا بعت
وافرح بجرح الشاعر اللي جرحته
وأرجوك من صدك تراني .. تشبعت
خلك مع اللي عاجبك أو عجبته
يكفي قهر في جيتي لك تواضعت
تركت غيرك لجل عينك وبعته
ياليتني عن حب مثلك .. ترفعت
ياليت قلبي قبل أعرفك .. دفنته
لكن أببعد دامني بك توهقت
الله يرحم حبنا اللي ذبحته
أنا شريت الود وألحين أنا بعت
وأنا عطتيك بأنك شخص عادي عرفته
كمل حياتك مثل ما أنا توقعت
تبقى أسير الماضي اللي فرضته
ولا يحزنك أنا لايمكن أخضع ولاطعت
يحرم علي أعطيك قلب خذلته
باريحك من شوفتي يوم قاطعت
اسلوبك اللي به تجامل كرهته
غلطان يالمقفي أنا ما تتبعت
غيري يتابع خطوتي ماتبعته
ماينحني راسي لو اني تقطعت
وماهو أنا من لا رميته لقطته
وان كان غرك حكي عذالي وطعت
الله يعلم كيف قلبي سكنته
اللي ملا قلبك علي وتسمعت
خله يعوض شخص مثلي خسرته
أنا بما فيه الكفاية تولعت
واللي بقى من قلب فيني حرقته
بأول لقا سلمته احساسي وضعت
غلطة حياتي يوم قلبي سلبته
واستسمحك فالبعد كأني تراجعت
ماعاد أبلقى فيك شي فقدته
طبعك مثل غيري وطبعي كما كنت
أحب شخص ولا تركته تركته
وان شفتني صدفة بعينك تطلعت
ذكرتني بانسان غالي فقدته
من أروع ما قرأت :cry111:
منقول