ملتقى طلاب وطالبات جامعة الملك فيصل,جامعة الدمام - عرض مشاركة واحدة - معلومااااات هــــــــــآآآآآآمـــــــــــــة جدآ قبل الاختبارات

افنان حسين · #1 2013- 4- 18

السلام عليكم

كيفكم بنااااات

اشياااء لازم تنتبهي لهاا قبل الاختبااارات

اول شي لازم تشدي حيلك وتجيبي 30 درجة حقت اعماال الترم اللي هيا

10 درجات المناقشات

10 حضور المحاضرات المباشرة والمسجلة وعادي لوحملتيها تنحسب 10 درجاات كانك حضرتيها

10 حل الواجب

هدي لازم تضمنيهااا لازم 30 درجة

و70 درجة للاختبار النهااائي اللي هوا 50 سواال علية 70 انتبهي وشدي حيلك

كدا يكون المجمووع 100 انشالله

وبنسبة لتقدير

من 60 واقل هدا رسووووووب تاخدي (f)

من 69-60 هدا ضعييف تاخدي (+d) (d)

من 79-70 هدا جيد تاخدي (c) (+c)

من89-80 هدا جيد جدا تاخدي (+b) (b)

من 90-100 هدا ممتاز تاخدي (+a) (a) متميزة

وفي خبر جديد كماان ومتاكدة منوو

للمتميزين والطالبات والطلاب المتفوقين بي معدل فوق

4.45 وما فوق

لهم مكاافأة شهرية اسمها (( تحفيز )) فقط لطلبة المتميزين في
المعدل

شدووو حيلكم من دحين عشااان المكافئة بنااات

بنت عمي تدرس في جامعة الملك فيصل عن بعد

وماشالله معدلها مرتفع دايم وتجيب امتيااز

وهيا مستوى رابع ماشالله

سالتهاا كيف تداااكر

قالت تحضر المحاضرات ومعاها ملزمة اللي فيها عرض البوربونت اللي يشرح علية الدكتور

وتحدد المهم اللي يركز علية قلتلها ماعندك كتاب قالت في نهاية السنة استعير كتاب من بنات الجامعة واداكر منو

بس هيا طول الترم تركز على حل الواجب وتحمل المحاضرات المباشرة والمسجلة

وتحفظ المهم من المحاضرات

وتحل المناقشاات مو شرط في وقتها المهم ان ماتخليها بدون حل

وتقول عندها جدول متابعة استفادت منوو كتتيييييير وساعدها على انها تتدكر ايش نزلت وايش حلت

وفي الاختبارات تداااكر وتحفظ واللي يصعب عليها ترجع للمحاضرات اللي حملتها على الجهاااز

وكدا كانت تجيب درجاات كااااملة 100 من 100 ماشالله عليهااا

اتمنى اني اكون افدتكم بي شي

ولا تنسوني من دعاكم

والله يوفق الكل يااااارب

ويسهل كل إختباراتكم

ويفرح قلب وحدهـ وحدهـ فيكم

دعواتكم لياا

موفقين يااارب

اختكم

فــــــــــــــنــــــــــــــو