السلام عليكم ورحمه الله وبركاته

مثل ماانتو شايفين خبرين عن موضوع القذف وعقوبته في مواقع التواصل الاجتماعي طبعاً مو جديد ويمكن في ناس تعرف هاالامور لكن في ناس تجهله وانا اولهم ماقرأت ولا بحثت عنه الا لمن صارت لنا انا واهلي قصه خلال الاسابيع اللي مضت ولسه نعيشها وسردي للقصه مااقصد فيه الشكوى لكن اوضح واحذر واعلم الناس اللي تجهل هالشئ مثلي

قصتي كالآتي :

امي وابوي منفصلين من خمس سنواات وحنا اربع بنات وخمس اولاد ساكنين كلنا مع امي وخلال هالخمس سنوات ابوي واهل ابووي ينشرون اشاعات وادعاءات كاذبه بين النااس لتشويه سمعه امي وسمعتنا وتدرون القريه صغيره وحنا في منطقه قريبه من قريه يعني نظامها نظام قرى أي كلمه عن أي احد تنتشر بسرعه . المهم خلال خمس سنوات وهم يطعنون في شرفنا ويقولون عنا كلام مو زين وحنا ساكتين مو قادرين نشتكي ولاشئ لان ماعندنا دليل ملموس .. طيب
عايلتنا مسوين لهم قرووب بالواتس اب واهل ابووي مسوين لهم قروب برضو طيب

في قروب العايله ولد عمتي كتب علينا كلام كبير مع انو والله مابينا وبينه شئ ولاعمر امي اساءت لهم بكلمه لكن النفوس المريضه مالها حل ... ساكنين بشقه اجاار وجنب اهلنا ماسكنا بمنطقه ثانيه ومع ذلك ماارحمونا ... ولد عمتي كتب بالوات ساب انو فاتحين شقتنا شقه منكر ودعاره ( معليش ادري كلام كبير لكن لازم اوضح لكم ايش قال ) اخووي بعد كم يووم شاف الكلام لان اخوي مايهتم بالواتس بالحيل ولا بالقرووب ولد عمي اضاافه والبقيه مايدرون انو موجود في نفس الليله اخوي اتصل على امي ( يشتغل بالدمام ) وخبرها وقالت له امي صور الشاشه وارسل لنا المحادثه ( اخوي مركب الوات ساب برقمه على لاب توبه كيف عااد ماادري ) وفي ليلتها على طول رحنا للهيئة وقدمنا الشكوى والحمد لله امسكت الموضوع بعد مانزل اخوي من الدمام واخذو كل شئ من جهازه كدليل وماشين الى الآن بالموضوع لكن كل مااستدعو ولد عمتي ماجاء يقول لابوي يروح عنه او اخووه وخواله يحضرون بدااله وهو يمااطل مو جاي للهيئه وراح تجيبه بالشرطة ان شاء الله ,,, مااكتفينا بالهيئة اخذنا اذن منهم نرفع الموضوع للأماره وقدمنا خطااب للأمير ( لان السالفه مو سالفه قذف وبس فيها تهديد بالقتل ) يعني يقتل امي وعيالها ( تخيلو مانجلس بالبيت ولا نسمع صوت جرس الا تفز قلوبنا نخااف دازين احد يسووي شئ عايشين حاله خووف من الباب لكن نحاول نمشي امورنا ) يمكن عيب علي وهاذي اسرار بيوت لكن في اسرار لازم تطلع عشان الناس يتعلمون منها ولاتاخذون عني نظره غلط


وارجع واكرر ماقلت الموضوع للشكوى لكن ودي كل واحد او واحدة تعرض لموضوع قذف او غيره بالنت او بالاجهزة يتكلم ومايسكت عن حقه واذا كلم الدوله هو بأمان لان كل الدوائر االحكوميه جداً متعاونه بهالامور وماراح يقصرون اهم شئ حقكم وهذا حق شرعي لاتستحون ولا عليكم من احد خذووه خصوصا انو شرف والانساان راس ماله سمعته اذا مابين للناس الحقيقه بيعيش مندفن مهما تعرضت لضغوطات لاتتنازل حتى لو من اهلك لان الواحد ماياكل بلحمه

حقكم لاتتهاونون بحقوقكم حتى رب العالمين مايرضى نسكت


وهنا قصه للأخت هدوء انثى


http://www.ckfu.org/vb/t242174.html




.......