ملتقى طلاب وطالبات جامعة الملك فيصل,جامعة الدمام - عرض مشاركة واحدة - فضفضــ مشاعر ــــــــــة بقلمي ومماراق لي

مشعلي · 2013- 4- 18

هذي قصة البيت المشهور

خلقت في الدنيا وانا ما معي شي
وبا روح منها ما معي شـي منهـا

كان البخيّت في الجهاد عام1395هـ في منطقه اسمها ام السلم
في بحره وبحره للي ما يعرفها قريه قريبه من جده فيها فوجين
للحرس الوطني (الجهاد) فوج لابن قويد الدواسر , وفوج لابن عبود
قحطان وكان البخيّت عسكري في واحد من هذين الفوجين وفي
اخر كل شهر يلفون عليه جماعته ومعارفه يستلمون رواتبهم
وياخذون عنده اسبوع او اسبوعين ما فيه متأهل الا البخيّت وأهل المورات
اللي يأتون من رنيه والخرمه وبيشه من جماعته ومعارفه .
والبخيّت معروف عنه انه عبد اسود وكريم وفي يوم من الايام كان عنده ربع مسوي لهم
عشا وجاهم ربع أخرين ما بعد تعشا البخيّت وربعه الاولين سندهم على العشا
وقال : الله ايحييكم على عشا ال فلان وانتم واجبكم في الطريق وجلس إيتحالف
هو واياهم غلبوهـ بالدين وقالوا واجبنا واحد وخلاص .
عقب ما عشا البخيّت ضيوفه جلس في حوش عنده فيه مشب يسوي القهوه
وخذوا ربعه يهاوشونه ويقولون انت عبدٍ خبل مانت بحاتم الطي ولا ابن مهيد
جالس على درب اهل المورات واهل الجهاد وكل ما جاك واحد عزمته بكره الحرس
بيفصلونك والا بيقاعدونك وانت عندك حرمتين وعندك عيال وعندك وعندك...
يعني هوشهم هوش محنيه ومحبه وكان يدق البهار وبدل ما يحطه في الدله
حطه في براد الشاهي , هوجس البخيّت .
قالوا انت خربت القهوه يالبخيّت ويوم ناظر الا هم صادقين قال : انتوا اللي خربتوها
لكن حطوا عندها واحدٍ فيه عقل وبعد ماسروا ضيوفه حط هذي الابيات
على موجب الموقف اللي حصل . . .

ســجــه مــــع الـهــاجــوس طـبـيـعــةٍ لـــــي
طـبـيـعــةٍ بــامـــوت مــــــا جــــــزت عــنــهــا
اشـكـي عـلـى الـخـلاق وارفــع لـــه ايـــدي
لا كــــثــــرت الافــــكــــار ايــــفــــك مـــنـــهـــا
امـــا الـكــرم قـــد فـــاز بـــه حـاتــم الــطــي
حتـى الفـرس مــن شــان ضيـفـه طعنـهـا
خـلـونـي اكـــرم فـــي حـيـاتـي وانــــا حــــي
ولا مــــت مـــــدري جـثــتــي مـــــن دفـنــهــا
خلـقـت فــي الدنـيـا وانــا مــا مـعـي شـــي
وبـــاروح مـنـهـا مـــا مـعــي شــــي مـنـهــا
لا بـــد مـــا نـرحــل عــــن الــمــزح والــغــي
ونـسـكــن بـيــوتــاً قـبـلـنــا مـــــن سـكـنـهــا
مسكـيـن يالـلـي تحـسـب الـواجــد اشـــوي
الـعـافــيــه لــــــو تــنــشـــري وش ثـمــنــهــا
يــا جـاهـل الدنـيـا تــرى هــي كـمــا الـفــي
ويـــا مـخـبـل الـلــي فـــي حـيـاتـه ومـنـهــا
ان نـاحــرت لـــك قــامــت تــــروح وتــجــي
مــثـــل الــذلـــول الــلـــي طــويـــلٍ رسـنــهــا
وان دبــــــرت خــلــتــك طـــايـــح ومـــرمــــي
وكــــم واحــــدٍ لــــه حــاجــةٍ مــــا ضـمـنـهـا
يالله عسى الحسنات تقضي على السي
لا قــــربــــوا لــلــنــفــس ذرعــــــــة كــفــنــهــا

2013- 4- 18	#184
مشعلي Banned الملف الشخصي: رقم العضوية : 134935 تاريخ التسجيل: Mon Jan 2013 المشاركات: 8,392 الـجنــس : ذكــر عدد الـنقـاط : 82229 مؤشر المستوى: 0 بيانات الطالب: الكلية: ادارة الاعمال الدراسة: انتساب التخصص: ادارة اعمال المستوى: المستوى السادس	رد: فضفضــ مشاعر ــــــــــة بقلمي ومماراق لي هذي قصة البيت المشهور خلقت في الدنيا وانا ما معي شي وبا روح منها ما معي شـي منهـا كان البخيّت في الجهاد عام1395هـ في منطقه اسمها ام السلم في بحره وبحره للي ما يعرفها قريه قريبه من جده فيها فوجين للحرس الوطني (الجهاد) فوج لابن قويد الدواسر , وفوج لابن عبود قحطان وكان البخيّت عسكري في واحد من هذين الفوجين وفي اخر كل شهر يلفون عليه جماعته ومعارفه يستلمون رواتبهم وياخذون عنده اسبوع او اسبوعين ما فيه متأهل الا البخيّت وأهل المورات اللي يأتون من رنيه والخرمه وبيشه من جماعته ومعارفه . والبخيّت معروف عنه انه عبد اسود وكريم وفي يوم من الايام كان عنده ربع مسوي لهم عشا وجاهم ربع أخرين ما بعد تعشا البخيّت وربعه الاولين سندهم على العشا وقال : الله ايحييكم على عشا ال فلان وانتم واجبكم في الطريق وجلس إيتحالف هو واياهم غلبوهـ بالدين وقالوا واجبنا واحد وخلاص . عقب ما عشا البخيّت ضيوفه جلس في حوش عنده فيه مشب يسوي القهوه وخذوا ربعه يهاوشونه ويقولون انت عبدٍ خبل مانت بحاتم الطي ولا ابن مهيد جالس على درب اهل المورات واهل الجهاد وكل ما جاك واحد عزمته بكره الحرس بيفصلونك والا بيقاعدونك وانت عندك حرمتين وعندك عيال وعندك وعندك... يعني هوشهم هوش محنيه ومحبه وكان يدق البهار وبدل ما يحطه في الدله حطه في براد الشاهي , هوجس البخيّت . قالوا انت خربت القهوه يالبخيّت ويوم ناظر الا هم صادقين قال : انتوا اللي خربتوها لكن حطوا عندها واحدٍ فيه عقل وبعد ماسروا ضيوفه حط هذي الابيات على موجب الموقف اللي حصل . . . ســجــه مــــع الـهــاجــوس طـبـيـعــةٍ لـــــي طـبـيـعــةٍ بــامـــوت مــــــا جــــــزت عــنــهــا اشـكـي عـلـى الـخـلاق وارفــع لـــه ايـــدي لا كــــثــــرت الافــــكــــار ايــــفــــك مـــنـــهـــا امـــا الـكــرم قـــد فـــاز بـــه حـاتــم الــطــي حتـى الفـرس مــن شــان ضيـفـه طعنـهـا خـلـونـي اكـــرم فـــي حـيـاتـي وانــــا حــــي ولا مــــت مـــــدري جـثــتــي مـــــن دفـنــهــا خلـقـت فــي الدنـيـا وانــا مــا مـعـي شـــي وبـــاروح مـنـهـا مـــا مـعــي شــــي مـنـهــا لا بـــد مـــا نـرحــل عــــن الــمــزح والــغــي ونـسـكــن بـيــوتــاً قـبـلـنــا مـــــن سـكـنـهــا مسكـيـن يالـلـي تحـسـب الـواجــد اشـــوي الـعـافــيــه لــــــو تــنــشـــري وش ثـمــنــهــا يــا جـاهـل الدنـيـا تــرى هــي كـمــا الـفــي ويـــا مـخـبـل الـلــي فـــي حـيـاتـه ومـنـهــا ان نـاحــرت لـــك قــامــت تــــروح وتــجــي مــثـــل الــذلـــول الــلـــي طــويـــلٍ رسـنــهــا وان دبــــــرت خــلــتــك طـــايـــح ومـــرمــــي وكــــم واحــــدٍ لــــه حــاجــةٍ مــــا ضـمـنـهـا يالله عسى الحسنات تقضي على السي لا قــــربــــوا لــلــنــفــس ذرعــــــــة كــفــنــهــا