منو الدوسريَ
مدخل
آلنفس مهرة والعقل دوم خيآل
والقــلب حآجز واليآلي حكمهـآ
عندي عزيمة نفس عن الف رجـال....... وجروحي تنزف والمحاجـر بخيلـه
البس وسام العز من الفخر سلسـال....... وبي شيمت(ن) مثل المهره الاصيلـه
كن الزمن حـزنٍ وانـا فيـه مـوال....... وظفرت من جـور الليالـي جديلـه
اتبع دروب الطيب ماهمنـي القـال....... حقوق الكرامه بالنفـوس الفضيلـه
شوفاتنا دايم علـى روس الاجبـال....... ماني من اللـي فـي حياتـه ذليلـه
ماهمني هرج القفـا هـرج الانـذال....... واللي يقف في درب جاهـي ياويلـه
حنا بنـات العـز نخـوات الابطـال....... تمـوت هيبـه ولايدنـس شليـلـه
اطباعنـا مانتركـه مـد الاجـيـال....... وسلومنـا لبـس العبـاة الطويلـه
صحيح نعشق ,,وعشقنا طيب الافعال....... نعشق صفات(ن) بالمراجـل جليلـه
ونعشق شجاع(ن) يسطر الضد لاعال....... حـر ٍ شبيهـه بالمصاقـر قليـلـه
ونعشق كريم(نٍ) بالعسريرخص المال....... كريـم سبـلا بالعطـايـا مثيـلـه
ونعشق فهيم (ن) للمصاعيب حـلال....... رايـه حكيـم ولايشيـل النجيـلـه
وعبرت عن خافي ضميري بالامثـال....... والغايـه تـدرك مبتغـاه الوسيلـه
واطلب ستر ربي على كل الاحـوال....... يالله تحماني من النفـوس الرذيلـه
مخرج
مهره نفحتها عطر..وصهيل.. وجاذبيه
لو تبي تطلب حياتي كلها ما أرفض طلبها ..