|
رد: فضفضــ مشاعر ــــــــــة بقلمي ومماراق لي
ياصاحبي بالوصل مبطاك مبطاك
ترا غيابك على غيرك كلافه
ياليتك اتشوفني يوم اتحراك
في موقف جف دمعي من جفافه
أمد كفي لحروة كف يمناك
واردها بالندامه والحسافه
يوم ان ربي عطاني خوف فرقاك
بالعون ماحط في قلبك مخافه
تبيني اموت انا ميت بلياك
العالم اغراب والعيشه كسافه
عليك ياكبر شرهة ضيف دنياك
يوم انك اخطيت في حق الضيافه
حتى عيوني عيوني مملكه ماك
ماخذك في دمعها رحمه ورافه
لو انها ساحل وهذي سواياك
جف البحر من ضفافه لا ضفافه
وش ذنب حلم على جرة مطاياك
شوهت وجهه وعريته عفافه
الشاهد الله وطعناتك هداياك
لاجت مسافه ولاراحت مسافه
هل (اشد الوصل )؟ ولااحاول انساك
محتار بيت الحقيقه والخرافه
لاوالله عسى النسيان يفداك
مابرني بالمرونه واللطافه
اول ضحاياك ايام انا واخر ضحاياك
تمثال عشق على جسر الرصافه
ان عافت الكبد تفاحه ثناياك
لاعلها لا عطوها الما تعافه
|